|    Oct 20 Fri, 2017 6:14 pm
FLASH NEWS

വാഹനങ്ങള്‍ക്ക് ഇഷ്ടനമ്പര്‍ സ്വന്തമാക്കാന്‍ ഇളവുകളുമായി മോട്ടോര്‍ വാഹനവകുപ്പ്

Published : 25th October 2015 | Posted By: SMR

തിരൂരങ്ങാടി: വാഹനങ്ങള്‍ രജിസ്‌ട്രേഷന്‍ ചെയ്യുന്ന സമയത്ത് ഇഷ്ടനമ്പര്‍ സ്വന്തമാക്കാന്‍ ആഗ്രഹിക്കുന്നവര്‍ക്ക് മോട്ടോര്‍ വാഹനവകുപ്പ് പുതിയ വഴികള്‍ തുറന്നു. ഫാന്‍സി നമ്പറുകള്‍ നേടുന്നതിന് താല്‍പര്യം കാണിക്കുന്നവരെ ഉദ്ദേശിച്ചാണ് നിലവിലുള്ള നടപടികളില്‍ മാറ്റങ്ങള്‍ വരുത്തിയിരിക്കുന്നത്. ഇതുപ്രകാരം നേരത്തെ രജിസ്‌ട്രേഷന്‍ അവസാനിച്ച സിരീസുകളില്‍പ്പെട്ട അസാധുവായ നമ്പറുകള്‍ ആവശ്യമുള്ളവര്‍ക്ക് വീണ്ടും സ്വന്തമാക്കാനുള്ള അവസരം ഉണ്ട്. 1 എന്ന നമ്പര്‍ ലേലത്തില്‍ ലഭിക്കുന്നതിനായി ഒരു ലക്ഷം രൂപ ഫീസ് കെട്ടണമെന്നത് അസാധുവായ സീരീസിലെ നമ്പര്‍ ആണെങ്കില്‍ 3000 രൂപ അടച്ചാല്‍ മതിയെന്ന ഇളവുമുണ്ട്. മറ്റു ഫാന്‍സി നമ്പറുകള്‍ക്കും ഈ ഇളവ് ലഭിക്കും.
ഇത്തരത്തില്‍ നിരവധി ഫാന്‍സി നമ്പറുകള്‍ അസാധുവായി കിടക്കുന്ന സീരീസുകളില്‍ ഉണ്ടെന്നാണ് മോട്ടോര്‍വാഹന വകുപ്പ് പറയുന്നത്.
സംസ്ഥാനത്ത് ഉടമസ്ഥാവകാശം മാറ്റി രജിസ്റ്റര്‍ ചെയ്യുന്ന അന്യസംസ്ഥാന രജിസിട്രേഷനുള്ള വാഹനങ്ങള്‍ക്കും ഈ അവസരം ഉപയോഗപ്പെടുത്താം. രജിസ്‌ട്രേഷന്‍ നടത്താത്ത ഇഷ്ടപ്പെട്ട നമ്പറുകള്‍ ആവശ്യക്കാര്‍ക്ക് അനുവദിച്ചു നല്‍കി സര്‍ക്കാറിലേക്ക് കൂടുതല്‍ വരുമാനം എത്തിക്കുകയെന്നാണ് മോട്ടോര്‍വാഹന വകുപ്പ് ഉദ്ദേശിക്കുന്നത്. ലഭ്യമായ നമ്പറുകളെക്കുറിച്ചുള്ള വിവരങ്ങള്‍ ആര്‍ടിഒ ഓഫീസുകളില്‍ ബന്ധപ്പെട്ടാല്‍ അറിയാന്‍ കഴിയുമെന്ന് തിരൂരങ്ങാടി എംവിഐ പ്രമോദ് ശങ്കര്‍ അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക