|    Dec 19 Tue, 2017 12:13 am
FLASH NEWS
Home   >  Todays Paper  >  Page 4  >  

വാഹനങ്ങളിലെ അമിത പുക: നടപടി വേണമെന്ന് മനുഷ്യാവകാശ കമ്മീഷന്‍

Published : 18th April 2016 | Posted By: SMR

തിരുവനന്തപുരം: അനിയന്ത്രിതമായ തോതില്‍ പുക വമിക്കുന്ന വാഹനങ്ങള്‍ പരിശോധിച്ച് നടപടിയെടുക്കുന്നതിനെക്കുറിച്ച് സംസ്ഥാന മനുഷ്യാവകാശ കമ്മീഷന്‍ അധ്യക്ഷന്‍ ജസ്റ്റിസ് ജെബി കോശി അധികൃതരില്‍നിന്നു വിശദീകരണം തേടി. ചീഫ് സെക്രട്ടറി, ഗതാഗത കമ്മീഷണര്‍, കെഎസ്ആര്‍ടിസി എംഡി എന്നിവര്‍ മെയ് 25നകം വിശദീകരണം നല്‍കണം. കേസ് ജൂണ്‍ 10ന് പരിഗണിക്കും. കെ രാജേഷ് സുകുമാരന്‍ സമര്‍പ്പിച്ച പരാതിയിലാണ് നടപടി.
കെഎസ്ആര്‍ടിസി ബസ്സുകളും ഓട്ടോറിക്ഷകളും നടത്തുന്ന പരിസ്ഥിതിമലിനീകരണത്തിന് ഒരു നിയന്ത്രണവുമില്ലെന്ന് പരാതിയില്‍ പറയുന്നു. വാഹനങ്ങളില്‍നിന്നുള്ള പുക കാരണം ഇരുചക്രയാത്രികര്‍ക്ക് വാഹനമോടിക്കാന്‍ കഴിയുന്നില്ല. ഓട്ടോറിക്ഷകള്‍ പെട്രോളിനുള്ളില്‍ മണ്ണെണ്ണ ചേര്‍ക്കുന്നത് പുക വര്‍ധിപ്പിക്കുന്നു. വാഹനങ്ങളില്‍നിന്നുള്ള പുക ആരോഗ്യത്തിന് തീര്‍ത്തും ഹാനികരമാണെന്നും പരാതിയില്‍ പറയുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss