|    Nov 18 Sun, 2018 4:10 pm
FLASH NEWS
Home   >  Todays Paper  >  Page 4  >  

വാല്‍പ്പാറയില്‍ വീട്ടമ്മയെ പുലി കൊലപ്പെടുത്തി

Published : 17th June 2018 | Posted By: kasim kzm

ചാലക്കുടി: വാല്‍പ്പാറയില്‍ വീട്ടമ്മയെ പുലി കൊലപ്പെടുത്തി. വാല്‍പ്പാറ കാഞ്ചനമാല എസ്റ്റേറ്റ് തൊഴിലാളി മദിയുടെ ഭാര്യ കൈലാസവതി(48)യാണു പുലിയാക്രമണത്തില്‍ കൊല്ലപ്പെട്ടത്. വെള്ളിയാഴ്ച വൈകീട്ട് 6.45ഓടെയായിരുന്നു സംഭവം. വീട്ടുമുറ്റത്ത് തുണിയലക്കുകയായിരുന്ന കൈലാസവതിയെ പുലി കഴുത്തിന് കടിച്ചുപിടിച്ച് വനത്തിലേക്ക് കൊണ്ടുപോവുകയായിരുന്നു. സമീപവീടുകളിലെ സ്ത്രീകളുടെ കരച്ചില്‍ കേട്ട് ഓടികൂടിയ തോട്ടംതൊഴിലാളികള്‍ തെരച്ചില്‍ നടത്തിയെങ്കിലും പുലിയെ ആദ്യം കണ്ടെത്താനായില്ല. രാത്രി എട്ടോടെ വനത്തില്‍ കൈലാസവതിയുടെ മൃതദേഹം കണ്ടെത്തുകയായിരുന്നു. പുലിയാക്രമണത്തില്‍ പ്രതിഷേധിച്ച് തോട്ടം തൊഴിലാളികള്‍ ശനിയാഴ്ച മൃതദേഹവുമായി റോഡ് ഉപരോധിച്ചു. കഴിഞ്ഞ ഒരു മാസത്തിനുള്ളില്‍ അഞ്ചുപേരാണ് ഈ പ്രദേശത്ത് പുലിയാക്രമണത്തിന് ഇരയായത്. ഇതില്‍ ഒരു പെണ്‍കുട്ടിയടക്കം രണ്ടുപേര്‍ ഇപ്പോഴും ആശുപത്രിയില്‍ ചികില്‍സയിലാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss