|    Dec 16 Sun, 2018 11:38 am
FLASH NEWS

വാര്‍ത്തകളെ പ്രണയിച്ച ആലത്തൂരിന്റെ സ്വന്തം മണി സ്വാമി ഓര്‍മയായി

Published : 26th May 2017 | Posted By: fsq

 

ആലത്തൂര്‍: വാര്‍ത്തകളെ പ്രണയിച്ച ആലത്തൂരിന്റെ സ്വന്തം മണി സ്വാമി ഓര്‍മ്മയായി. കഴിഞ്ഞ അരനൂറ്റാണ്ടുകാലം ആലത്തൂരിന്റെ വാര്‍ത്താ സ്പന്ദനങ്ങളെ പത്രവാര്‍ത്തയാക്കാന്‍ പ്രൊഫഷണലുകളേക്കാള്‍ ഊര്‍ജ്ജ സ്വല തയില്‍ പ്രവര്‍ത്തിച്ച മണിസ്വാമി പാലക്കാടിലെ ജില്ലയിലെ പത്ര ഓഫീസുകള്‍ക്ക് സുപരിചിതമായ മുഖമായിരുന്നു.  ഫോണും ഇന്റര്‍നെറ്റും ഇല്ലാതിരുന്ന കാലത്ത് വാര്‍ത്തകള്‍ക്ക് വേണ്ടി രാപ്പകലുകളില്ലാതെ പ്രയത്‌നിച്ച് മുഴുവന്‍ പത്രങ്ങളിലും വാര്‍ത്തകള്‍ എത്തിക്കാനും സ്വാമി ശ്രമിച്ചിരുന്നു. പത്ര മാനേജ്‌മെന്റുമായി അടുത്ത ബന്ധം സൂക്ഷിച്ച സ്വാമിയുടെ സൗമ്യമായ പെരുമാറ്റവും വാര്‍ത്തകള്‍ തേടിയെടുക്കുന്നതിലെ പ്രാഗത്ഭ്യവും പ്രശംസനീയമായിരുന്നു. ലോകത്തെമ്പാടുമുള്ള പത്രങ്ങള്‍ ശേഖരിക്കുന്നത് സ്വാമിയുടെ ഹോബിയായിരുന്നു.ഇന്ദിരാഗാന്ധി വധം മുതല്‍ ചരിത്രത്തില്‍ ഇടം നേടിയ പല വാര്‍ത്തകളുടേയും പത്ര കട്ടിംങുകള്‍ സ്വാമിയുടെ ശേഖരത്തിലുണ്ടായിരുന്നു. അവസാന കാലഘട്ടത്തില്‍ രോഗങ്ങള്‍ വല്ലാതെ അലട്ടിയ മണി സ്വാമി തന്റെ വാര്‍്ത്തകളോടുള്ള സ്‌നേഹം അപ്പോഴും തുടരുന്നുണ്ടായിരുന്നു.  മണി സ്വാമിയുടെ വിയോഗത്തിലൂടെ അരനൂറ്റാണ്ട് നീണ്ട പത്രപ്രവര്‍ത്തന അനുഭവങ്ങള്‍ക്കാണ് വിരാമമായത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss