|    May 22 Tue, 2018 11:29 pm
FLASH NEWS

വാര്‍ഡുകളോടുള്ള അവഗണന ; യുഡിഎഫ് അംഗങ്ങള്‍ ഭരണസമിതി യോഗത്തില്‍ നിന്ന് ഇറങ്ങിപ്പോയി

Published : 29th June 2017 | Posted By: fsq

 

മുക്കം: തങ്ങള്‍ പ്രതിനിധാനം ചെയ്യുന്ന വാര്‍ഡുകളോട് വികസന കാര്യത്തില്‍ അവഗണന കാണിക്കുന്നതായി ആരോപിച്ച് കാരശ്ശേരിയില്‍ യുഡിഎഫ് അംഗങ്ങള്‍ ഭരണ സമിതി യോഗം ബഹിഷ്‌ക്കരിച്ച് ഇറങ്ങിപ്പോയി. 2017-2018 സാമ്പത്തിക വര്‍ഷത്തെ പദ്ധതിയില്‍ ഭരണ സമിതിയിലെ ഇടത് അംഗങ്ങളുടെ വാര്‍ഡുകള്‍ക്ക് 15 ഉം 20 ഉം ലക്ഷം രൂപ വീതം അനുവദിച്ചപ്പോള്‍ യുഡിഎഫ് വാര്‍ഡുകള്‍ക്ക് ഇതിന്റെ പകുതി തുകയാണ് അനുവദിച്ചതെന്ന് അംഗങ്ങള്‍ കുറ്റപ്പെടുത്തി.യുഡിഎഫ് വാര്‍ഡുകളെ അവഗണിച്ചത് ഈ പ്രദേശത്തെ ജനങ്ങളോടുള്ള വെല്ലുവിളിയാണെന്ന് അംഗങ്ങളായ എം ടി അഷ്‌റഫ്, പി പി ഷിഹാബ്, വി എന്‍ ജംനാസ്, സുഹറ കരുവോട്ട്, എന്‍ കെ അന്‍വര്‍ എന്നിവര്‍ പറഞ്ഞു. ഭരണ സമിതിയുടെ നിലപാടില്‍ പ്രതിഷേധിച്ച് ഫഌക്‌സ് ബോര്‍ഡുകളുമായാണ് അംഗങ്ങള്‍ ഭരണ സമിതി യോഗത്തില്‍ പങ്കെടുത്തത്. കഴിഞ്ഞ വര്‍ഷവും യുഡിഎഫ് അംഗങ്ങള്‍ പ്രതിനിധാനം ചെയ്യുന്ന വാര്‍ഡുകളോട് വിവേചനം കാണിച്ചിരുന്നതായും ഇവര്‍ ആരോപിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss