|    Jul 26 Wed, 2017 8:29 pm
FLASH NEWS

വാതകച്ചോര്‍ച്ച: കാലഫോര്‍ണിയയില്‍ അടിയന്തരാവസ്ഥ

Published : 8th January 2016 | Posted By: SMR

കാലഫോര്‍ണിയ: ഭൂമിക്കടിയിലെ സംഭരണശാലയില്‍നിന്നു മീഥൈന്‍ വാതകം ചോര്‍ന്നതിനെത്തുടര്‍ന്ന് യുഎസിലെ ലോസ്ആഞ്ചലസിലും പ്രാന്തപ്രദേശങ്ങളിലും കാലഫോര്‍ണിയ ഗവര്‍ണര്‍ അടിയന്തരാവസ്ഥ പ്രഖ്യാപിച്ചു.
ചോര്‍ച്ചയടയ്ക്കാന്‍ ഉടനടി ആവശ്യമായ നടപടികള്‍ സ്വീകരിക്കാന്‍ ഗവര്‍ണര്‍ ജെറി ബ്രൗണ്‍ ഉത്തരവിട്ടു. കഴിഞ്ഞ ഒക്ടോബര്‍ മാസം മുതല്‍ ചോര്‍ച്ചയാരംഭിച്ചതായാണ് കരുതുന്നത്. 2,000ത്തോളം കുടുംബങ്ങള്‍ പ്രദേശത്തുനിന്നും മാറിത്താമസിച്ചിട്ടുണ്ട്. നിരവധി പേര്‍ക്ക് ഛര്‍ദ്ദി, തലവേദന, ശ്വാസതടസ്സം, മനം പുരട്ടല്‍ തുടങ്ങിയ അസ്വസ്ഥതകള്‍ അനുഭവപ്പെടുന്നുണ്ട്.
പോര്‍ട്ടര്‍ റാഞ്ചിലെ സംഭരണശാലയില്‍നിന്നാണ് വാതകം ചോര്‍ന്നത്. ശക്തിയേറിയ ഹരിതഗൃഹവാതകമായ മീഥൈന്‍ ഏറെ അപകടകാരിയാണ്. ചോര്‍ച്ച അനിയന്ത്രിതമായി തുടര്‍ന്നാല്‍ കാലാവസ്ഥാ വ്യതിയാനത്തിനു വരെ കാരണമായേക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക