|    Aug 17 Fri, 2018 6:19 pm
FLASH NEWS

വാടകയ്ക്ക് വാഹനങ്ങളെടുത്ത് മറിച്ചുവില്‍ക്കുന്ന വീട്ടമ്മ അറസ്റ്റില്‍

Published : 18th April 2018 | Posted By: kasim kzm

കോഴഞ്ചേരി: വാടകയ്ക്ക് വാഹനങ്ങളെടുത്ത് മറിച്ചുവില്‍പന നടത്തി ഒളിവില്‍ കഴിഞ്ഞുവന്നിരുന്ന വീട്ടമ്മയെ പോലിസ് അറസ്റ്റു ചെയ്തു. അയിരൂര്‍ പുതിയകാവ് കുളത്തിങ്കല്‍ വാകനില്‍ക്കുന്നകാലായില്‍ ഷീല അലക്‌സാണ്ടറാണ് (47) അറസ്റ്റിലായത്.
കോട്ടയം പാമ്പാടി ആലുമൂട്ടില്‍ ബേബിച്ചന്‍ ഫ്രാന്‍സിസിന്റെ ഉടമസ്ഥതയിലുള്ള എത്തിയോസ് വാഹനം 2017 നവംബറില്‍ 20,000 രൂപ പ്രതിമാസ വാടക ഉറപ്പിച്ച് വാടകയ്‌ക്കെടുക്കുകയായിരുന്നു. വാടക മുടങ്ങുകയും വാഹനം തിരികെ നല്‍കാതിരിക്കുകയും ചെയ്തതോടെയാണ് ഉടമ പോലീസിനെ സമീപിച്ചത്.
പോലിസ് അന്വേഷണത്തില്‍ ഇവര്‍ പത്തിലധികം വാഹനങ്ങള്‍ ഇത്തരത്തില്‍ വാടകയ്ക്ക് എടുത്ത് വില്‍പന നടത്തിയിട്ടുള്ളതായി കണ്ടെത്തി.
കോയിപ്രം എസ്എച്ച്ഒ കെ എസ് ഗോപകുമാറിന്റെ നേതൃത്വത്തിലാണ് അന്വേഷണം. സിവില്‍ പോലിസ് ഓഫിസര്‍ രാജേഷ്, വനിത ഓഫിസര്‍ ഉഷ എന്നിവരും  അന്വേഷണസംഘത്തിലുണ്ടായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss