|    Sep 26 Wed, 2018 6:29 pm
FLASH NEWS
Home   >  Todays Paper  >  Page 1  >  

വാഗമണ്‍ സിമി ക്യാംപ് കേസ്: വിധി മെയ് 14ന്

Published : 19th April 2018 | Posted By: kasim kzm

കൊച്ചി: വാഗമണ്‍ സിമി ക്യാംപ് കേസില്‍ മെയ് 14നു വിധി പ്രഖ്യാപിക്കും. കേസിലെ അന്തിമ വാദം ഇന്നലെ പൂര്‍ത്തിയായി. കൊച്ചിയിലെ എന്‍ഐഎ പ്രത്യേക കോടതി ജഡ്ജി കൗസര്‍ എടപ്പഗത്താണ് കേസ് പരിഗണിക്കുന്നത്. 2017 ജനുവരി 23നാണ് വിചാരണ ആരംഭിച്ചത്. കേസിലെ 35 പ്രതികളുടെ വിചാരണയാണ് കോടതിയില്‍ നടന്നത്. ആഴ്ചയില്‍ രണ്ടു ദിവസം വീതമാണ് വിചാരണാ നടപടികള്‍ കോടതിയില്‍ നടത്തിയത്. പ്രോസിക്യൂഷന്‍ സാക്ഷികളായി 77 പേരെ വിസ്തരിച്ചു.
പി എ ശാദുലി, ഹഫീസ് ഹുസയ്ന്‍, സഫ്ദര്‍ ഹുസയ്ന്‍ നാഗൂരി, ശിബ്‌ലി പി അബ്ദുല്‍ കരീം, മുഹമ്മദ് അന്‍സാര്‍, അബ്ദുല്‍ സത്താര്‍, ആമില്‍ പര്‍വേസ്, മുഹമ്മദ് ഉസ്മാന്‍, മുഹമ്മദ് അലി, കംറാന്‍ സിദ്ദീഖി, മുഹമ്മദ് സമി ബഗവഡി, മുഹമ്മദ് യാസിര്‍, മുഹമ്മദ് ആസിഫ്, നദീം സെയ്ദ്, മുഫ്തി അബ്ദുല്‍ ബഷീര്‍, മുഹമ്മദ് സാജിദ് മന്‍സൂരി, ഗിയാസുദ്ദീന്‍, ജാഹിദ് ഖുത്ബുദ്ദീന്‍ ശെയ്ഖ്, മുഹമ്മദ് ആരിഫ്, മുഹമ്മദ് ഇസ്മായീല്‍, ഇംറാന്‍ ഇബ്രാഹീം ശെയ്ഖ്, ഖയാമുദ്ദീന്‍, മുഹമ്മദ് യൂനുസ്, ഡോ. അസദുല്ല, ജാവീദ് അഹ്മദ്, ഖമറുദ്ദീന്‍ നാഗൂരി, മുഹമ്മദ് ഇര്‍ഫാന്‍, നഷീര്‍ അഹ്മദ്, ഷക്കീല്‍ അഹ്മദ്, ഡോ. മീര്‍സ അഹ്മദ് ബേഗ്, മഹ്ബൂബ് മാലിക്, ഹബീബ് ഫലാഹി, ദാനിഷ്, മന്‍സാര്‍ ഇമാം, അബ്ദുല്‍ സുബ്ഹാന്‍ ഖുറേഷി, മുഹമ്മദ് അബൂഫൈസല്‍ ഖാന്‍, വാസിഖ് ബില്ല, ആലം ജേബ് അഫ്രീദി എന്നിവരാണ് കേസിലെ പ്രതികള്‍.
കേസിലെ 31ാം പ്രതി മഹ്ബൂബ് മാലിക് ഭോപാലില്‍ സുരക്ഷാ ഉദ്യോഗസ്ഥരുടെ വെടിയേറ്റു മരിച്ചു. 2007 ഡിസംബര്‍ 10 മുതല്‍ 12 വരെ വാഗമണില്‍ സിമി രഹസ്യ ക്യാംപ് സംഘടിപ്പിച്ചുവെന്നാണ് കേസിലെ ആരോപണം.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss