|    Aug 19 Sat, 2017 2:36 pm
FLASH NEWS
Home   >  Todays Paper  >  page 7  >  

വസതി വിവാദം ; വസുന്ധരയ്ക്ക് എംഎല്‍എയുടെ അന്ത്യശാസനം

Published : 9th June 2017 | Posted By: fsq

 

ജയ്പൂര്‍: രാജസ്ഥാന്‍ മുഖ്യമന്ത്രി വസുന്ധര രാജ സിന്ധ്യയ്ക്ക് അന്ത്യശാസനമായി ബിജെപി എംഎല്‍എ ഘനശ്യാം തിവാരി. നിലവില്‍ താമസിക്കുന്ന വീട്, മുഖ്യമന്ത്രിയുടെ ഔദ്യോഗിക വസതിയായി പ്രഖ്യാപിക്കുകയോ അല്ലെങ്കില്‍ സര്‍ക്കാര്‍ അനുവദിച്ച വസതിയിലേക്ക് മാറുകയോ ചെയ്യണം എന്നാണ് ആവശ്യം. പത്തു ദിവസത്തിനകം രണ്ടിലൊന്ന് നടപ്പാക്കിയില്ലെങ്കില്‍ താന്‍ സത്യഗ്രഹം ആരംഭിക്കുമെന്നും ഘനശ്യാം തിവാരി അറിയിച്ചു.ദീന്‍ ദയാല്‍ വാഹിനി എന്ന സംഘടനയോടൊപ്പമായിരിക്കും പ്രതിഷേധം ആരംഭിക്കുക എന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു. വസുന്ധരാരാജ  ഇപ്പോള്‍ താമസിക്കുന്ന 2,000 കോടി മതിപ്പുള്ള പുരയിടം വലിയ മതിലുകള്‍ കെട്ടി സംരക്ഷിച്ചിരിക്കുകയാണെന്നും അദ്ദേഹം ആരോപിച്ചു. ഇപ്പോഴത്തെ വീടിനു ചെലവാക്കിയ തുക പരസ്യപ്പെടുത്തണമെന്നും ആവശ്യപ്പെട്ടു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക