|    Mar 26 Sun, 2017 7:11 am
FLASH NEWS

വഴിയില്‍ തടഞ്ഞ് കൊലപ്പെടുത്താന്‍ ശ്രമം; പ്രതികള്‍ക്ക് മൂന്നു വര്‍ഷം കഠിനതടവും പിഴയും

Published : 25th November 2015 | Posted By: SMR

തൃശൂര്‍: കാറ് വഴിയില്‍ തടഞ്ഞ് യാത്രക്കാരെ വെട്ടിക്കൊലപ്പെടുത്താന്‍ ശ്രമിച്ചകേസില്‍ പ്രതികള്‍ക്ക് മൂന്നുവര്‍ഷം കഠിനതടവും 10,000 രൂപ പിഴയും ശിക്ഷ.
തെക്കേപനയ്ക്കല്‍ വീട്ടില്‍ ബാബു എന്ന ബാബുട്ടന്‍, പണിക്കെട്ടി വീട്ടില്‍ ഷിന്റോ എന്ന ഷിജോനാഥ്, പുതുവീട്ടില്‍ സജി എന്ന സജീഷ്, ഇരിങ്ങാംതുരുത്തി ദിലീപ് എന്ന പുലി ദിലീപ് എന്നിവരെയാണ് തൃശൂര്‍ നാലാം അഡീഷനല്‍ ഡിസ്ട്രിക്ട് ആന്റ് സെഷന്‍സ് ജഡ്ജ് ആര്‍ വിനായകറാവു ശിക്ഷിച്ചത്.
2008ലാണ് കേസിനാസ്പദമായ സംഭവം. പള്ളത്ത് വീട്ടില്‍ ബിജു, കോഴിപ്പറമ്പില്‍ വീട്ടില്‍ സുനീഷ്, പള്ളത്ത് വീട്ടില്‍ നിഖില്‍ എന്നിവരെയാണ് ഇവര്‍ കാര്‍ വഴിയില്‍ തടഞ്ഞ് കൊലപ്പെടുത്താന്‍ ശ്രമിച്ചത്.
പ്രതികളുടെ കഞ്ചാവ് വില്‍പനയുടെ വിവരങ്ങള്‍ പോലിസിന് നല്‍കിയതിലുള്ള വ്യക്തിവിരോധമാണ് ആക്രമണത്തില്‍ കലാശിച്ചത്. പ്രോസിക്യൂഷനുവേണ്ടി ജില്ലാ അഡിഷനല്‍ ഗവ. പ്ലീഡര്‍ ആന്റ് പബ്ലിക് പ്രോസിക്യൂട്ടര്‍ വിനു വര്‍ഗീസ് കാച്ചപ്പിള്ളി, അഭിഭാഷകരായ ജോഷി പുതുശേരി, ഷിബു പുതുശേരി എന്നിവര്‍ ഹാജരായി.

(Visited 73 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക