|    Sep 24 Mon, 2018 2:28 am
FLASH NEWS

വഴിയാത്രികര്‍ക്ക് ഭീഷണിയായി പാതയോരത്ത് കടന്നല്‍ക്കൂടുകള്‍

Published : 1st May 2017 | Posted By: fsq

 

പീരുമേട് : വഴിയാത്രികര്‍ക്ക് ഭീഷണിയായി പാതയോരത്ത് കടന്നല്‍ കൂടുകള്‍. ദേശിയപാത 183ല്‍  മുപ്പത്തിയാറാം മൈലില്‍ പാതയോരത്ത് വഴിയാത്രികര്‍ക്ക് ഭീഷണിയായി മരത്തിന്റെ മുകളില്‍ ഇരുപതോളം കടന്നല്‍ കൂടുകള്‍. പല ശിഖരങ്ങളിലായി ചെറുതും വലുതുമായി സ്ഥാനം പിടിച്ചിരിക്കുന്നത്. ഒരേ പോലെ കടന്നല്‍ കൂടുകള്‍ കാഴ്ച്ചയ്ക്ക് കൗതുകമാവുന്നതോടൊപ്പം യാത്രക്കാര്‍ക്ക് ഭീഷണിയായും മാറിയിരിക്കുകയാണ്.  ഒരു ചെറിയ അശ്രദ്ധ വിളിച്ചു വരുത്താവുന്ന അപകടം വലുതാണ്. തേനിച്ചകളില്‍ അപകടകാരികളായ പെരുംതേനിച്ചയാണ് മരത്തിന്റെ മുകളില്‍ കൂട്ടമായി പാര്‍ക്കുന്നത്. ബൈക്ക് യാത്രക്കാരും വിനോദ സഞ്ചാരികളും വാഹനം നിര്‍ത്തി ഫോട്ടൊ എടുക്കുന്നതും പതിവാണന്ന് സമീപ വാസികള്‍ പറഞ്ഞു. നിലവില്‍ കടന്നല്‍ കൂടുകള്‍ ആളുകള്‍ക്ക് ശല്യമല്ലങ്കിലും കടന്നലുകളില്‍ ഒളിഞ്ഞിരിക്കുന്ന അപകടം നിസാരമല്ല. വനങ്ങളില്‍ വന്‍മരങ്ങളില്‍ മാത്രം കണ്ടു വന്നിരുന്ന കടന്നലുകള്‍  വേനല്‍ കടുത്തതിനാലും കാട്ടുതീ പടര്‍ന്ന് ഹെക്ടര്‍  കണക്കിന് വനഭൂമി കത്തി നശിച്ചതിനാലുമാണ് കൂട്ടമായി നാട്ടിലേക്കിറങ്ങുന്നത്. അപകടം മുന്നില്‍ കണ്ട്  കൗതുകം   നിറഞ്ഞ കാഴ്ച്ചയുമായി മര മുകളില്‍ സ്ഥാനം പിടിച്ചിരിക്കുന്ന കടന്നലുകളെ എങ്ങനെ നീക്കം ചെയ്യണം എന്ന ആശയക്കുഴപ്പത്തിലാണ് നാട്ടുകാര്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss