|    Oct 23 Mon, 2017 2:49 am

വള്ളിക്കുന്നില്‍ റോഡുകളുടെ പ്രവൃത്തിക്ക് ഒരു കോടി

Published : 1st October 2017 | Posted By: fsq

 

പള്ളിക്കല്‍: വള്ളിക്കുന്ന് നിയോജക മണ്ഡലത്തിലെ പൊതുമരാമത്ത് റോഡുകളുടെ അടിയന്തിര പ്രവര്‍ത്തികള്‍ക്കായി  ഒരു കോടിയുടെ പ്രീ മണ്‍സൂണ്‍ പ്രവര്‍ത്തിക്ക് ഭരണാനുമതിയായി. കുഴിയടക്കല്‍, റോഡ്— സൈഡ്— നന്നാക്കല്‍, ബിടി വര്‍ക്കുകള്‍, റോഡ് സേഫ്റ്റി പ്രവര്‍ത്തികള്‍, അത്യാവശ്യമായ ഡ്രൈനേജ് നിര്‍മാണം, എന്നിവയാണ് പദ്ധതിയില്‍ ഉള്‍പെടുത്തിയത്. പരപ്പനങ്ങാടി -അരീക്കോട്  റോഡിലെ തറയിട്ടാല്‍ ജംഗ്ഷന്‍ സമീപം അപകടകരമായ വളവ്  പുനരുദ്ധാരണം 25 ലക്ഷം, ചേലേമ്പ്ര ഇടിമുഴിക്കല്‍-അഗ്രശാല-പാറക്കടവ് രണ്ടാം ഘട്ട റോഡില്‍ അടിവാര ജംഗ്ഷന് സമീപത്തെ വെള്ളക്കെട്ട് പരിഹാരത്തിന്നായി ഡ്രൈനേജ് നിര്‍മാണത്തിനും കുഴിയടക്കലിനും ചക്കുവളവ് -കുറ്റീരിപ്പടി റോഡ് സുരക്ഷ ഭിത്തി നിര്‍മാണത്തിനുമായി 21 ലക്ഷം, മുട്ടിച്ചിറ -തിരൂരങ്ങാടി റോഡിലെ മുട്ടിയറ പള്ളിക്ക് സമീപത്തെ വെള്ളക്കെട്ട് പ്രശ്‌നം പരിഹരിക്കുന്നതിനായി 22 ലക്ഷം, കൊട്ടപ്പുറം- കാക്കന്‍ഞ്ചേരി റോഡിലെ ഡ്രൈനേജ് പുനരുദ്ധാരണത്തിനും  കുഴിയടക്കലിനുമായി 17 ലക്ഷം, തോട്ടശേരിയറ- ഇല്ലത്തു മാട് റോഡിന്റെ സൈഡ്— നന്നാക്കല്‍  പ്രവര്‍ത്തിക്ക് 3 ലക്ഷം, കൂട്ടുമൂച്ചി-ഇരുമ്പോത്തിങ്ങല്‍-അത്താണിക്കല്‍ റോഡില്‍ കുഴിയടക്കല്‍ 5 ലക്ഷം, ചെട്ട്യര്‍മാട്-കടലുണ്ടി റോഡില്‍  സൈഡ് സുരക്ഷ ഭിത്തി നിര്‍മാണം 18 ലക്ഷം എസ്എല്‍റ്റിഎഫില്‍ ഉള്‍പ്പെടുത്തി  ഫണ്ട് അനുവദിച്ചത്.  ഒരു കോടി 14 ലക്ഷത്തിന്റെ പ്രവൃത്തിക്കുള്ള ഭരണാനുമതിയാണ് ലഭിച്ചത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക