|    Aug 21 Tue, 2018 3:35 am
FLASH NEWS
Home   >  Kerala   >  

വള്ളം മറിഞ്ഞ് കാണാതായ രണ്ടാമത്തെയാളുടെ മൃതദേഹവും കിട്ടി

Published : 24th July 2018 | Posted By: mtp rafeek


കോട്ടയം: മുണ്ടാറിന് സമീപം മഴക്കെടുതി റിപ്പോര്‍ട്ട് ചെയ്യാന്‍ പോയ മാധ്യമ സംഘം സഞ്ചരിച്ച തോണി മുങ്ങി കാണാതായ രണ്ടാമത്തെയാളുടെ മൃതദേഹവും കിട്ടി. മാതൃഭൂമി ന്യൂസില്‍ ഡ്രൈവറായി ജോലിചെയ്യുന്ന ബിപിന്റെ മൃതദേഹമാണ് അല്‍പ്പം മുമ്പ് കണ്ടെത്തിയത്. കാണാതായി 25 മണിക്കൂറിന് ശേഷമാണ് മൃതദേഹം കിട്ടുന്നത്.

മാതൃഭൂമിയുടെ പ്രാദേശിക ലേഖകന്‍ സജിയുടെ മൃതദേഹം മണിക്കൂറുകള്‍ മുമ്പ് കണ്ടെത്തിയിരുന്നു. ഇന്നലെ രാവിലെ 11 മണിയോടെ മുണ്ടാറിന് സമീപത്താണ് തോണി മറിഞ്ഞത്. മാതൃഭൂമി ന്യൂസ് വാര്‍ത്താസംഘമാണ് അപകടത്തില്‍പ്പെട്ടത്. രണ്ട് പേരെ രക്ഷപ്പെടുത്തിയിരുന്നു. ബാക്കി രണ്ട് പേരെ ഒഴുക്കില്‍പ്പെട്ട് കാണാതാവുകയായിരുന്നു. നേവിയുടെ സഹായത്തോടെ നടത്തിയ തിരച്ചിലാണ് മൃതദേഹങ്ങള്‍ കണ്ടെത്തിയത്. അപകടത്തില്‍ നിന്ന് രക്ഷപ്പെട്ട് ആശുപത്രിയില്‍ കഴിയുന്ന റിപ്പോര്‍ട്ടര്‍ ശ്രീധരന്‍, കാമറമാന്‍ അഭിലാഷ് എന്നിവരുടെ നില മെച്ചപ്പെട്ടിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss