|    Mar 24 Fri, 2017 11:33 pm
FLASH NEWS

വര്‍ഗീസ് കുര്യന്റെ 94ാം പിറന്നാളില്‍ ഗൂഗഌന്റെ പ്രത്യേക ഡൂഡ്ല്‍

Published : 27th November 2015 | Posted By: SMR

മുംബൈ: ഇന്ത്യയിലെ ധവളവിപ്ലവത്തിന്റെ പിതാവെന്നറിയപ്പെടുന്ന വര്‍ഗീസ് കുര്യന്റെ 94ാം പിറന്നാള്‍ ദിനമായ ഇന്നലെ പുതിയ ഡൂഡ്ല്‍ ഒരുക്കി ഗൂഗ്ള്‍ കുര്യനു പ്രണാമമര്‍പ്പിച്ചു. പാലുല്‍പാദനരംഗത്ത് ഏറെ പിറകിലായിരുന്ന ഇന്ത്യയെ ഈ രംഗത്ത് പ്രധാനപ്പെട്ട രാജ്യമാക്കി മാറ്റുന്നതില്‍ സുപ്രധാന പങ്കുവഹിച്ചയാളാണ് മലയാളിയും കോഴിക്കോട് സ്വദേശിയുമായ വര്‍ഗീസ് കുര്യന്‍. ഗുജറാത്തില്‍ കുര്യന്റെ നേതൃത്വത്തില്‍ തുടക്കം കുറിച്ച ധവളവിപ്ലവം പാലുല്‍പാദനത്തില്‍ യുഎസിനെ കടത്തിവെട്ടാനുള്ള ശേഷി ഇന്ത്യക്ക് നേടിക്കൊടുത്തു.
അമൂല്‍ എന്ന ഇന്ത്യന്‍ ബ്രാന്‍ഡിനെ ലോകവിപണിയിലെത്തിക്കുന്നതിലും കുര്യന്‍ പ്രധാന പങ്കുവഹിച്ചു.അമൂലിന്റെ വിജയത്തെത്തുടര്‍ന്ന് കുര്യനെ നാഷനല്‍ ഡയറി ഡെവലപ്‌മെന്റ് ബോര്‍ഡിന്റെ ചെയര്‍മാനായി നിയമിച്ചു. മാഗ്‌സസെ, പത്മശ്രീ, പത്മഭൂഷണ്‍, വേള്‍ഡ് ഫുഡ് പ്രൈസ് തുടങ്ങിയ പുരസ്‌കാരങ്ങള്‍ നേടിയ കുര്യനെ 1999ല്‍ രാജ്യം പത്മവിഭൂഷണ്‍ പുരസ്‌കാരം നല്‍കി ആദരിച്ചു. 2012ല്‍ ഗുജറാത്തില്‍ 90ാം വയസ്സിലാണ് കുര്യന്‍ അന്തരിച്ചത്.

(Visited 73 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക