|    May 22 Tue, 2018 9:37 pm
FLASH NEWS

വര്‍ഗീയ ധ്രുവീകരണത്തിന് ശ്രമിച്ച കെ ടി ജലീലിനെതിരേ എസ്ഡിപിഐ മാര്‍ച്ച്

Published : 10th May 2018 | Posted By: kasim kzm

എടപ്പാള്‍: വാട്‌സാപ്പ് കൂട്ടായ്മയുടെ ഹര്‍ത്താലിന്റെ മറവില്‍ താനൂരിലുണ്ടായ അക്രമ സംഭവങ്ങളെ വര്‍ഗീയ ധ്രുവീകരണത്തിനായി ഉപയോഗപ്പെടുത്തി മന്ത്രി കെ ടി ജലീല്‍ ജനങ്ങളോട് മാപ്പ് പറയണമെന്നാവശ്യപ്പെട്ട് എസ്ഡിപിഐ പ്രവര്‍ത്തകര്‍ നരിപ്പറമ്പിലെ എംഎല്‍എയുടെ ഓഫിസിലേക്ക് മാര്‍ച്ച് നടത്തി.
ഹര്‍ത്താലില്‍ ഇരുമത വിശ്വാസികളുടേയും സ്ഥാപനങ്ങള്‍ തകര്‍ക്കപ്പെടുകയുണ്ടായിട്ടും ഈ സംഭവത്തില്‍ ഹൈന്ദവ വിഭാഗങ്ങളെ പ്രീതിപ്പെടുത്താനാണു മന്ത്രി ശ്രമിച്ചത്.
ഹര്‍ത്താലില്‍ കക്ഷി രാഷ്ട്രീയ വ്യത്യാസമില്ലാതെ ജില്ലയിലെ എല്ലാ രാഷ്ട്രീയ പാര്‍ട്ടിയുടേയും പ്രവര്‍ത്തകരാണ് പങ്കെടുത്തത്. സിപിഎം പ്രവര്‍ത്തകര്‍ ഉള്‍പ്പെടെ പങ്കെടുത്ത ഹര്‍ത്താലിന്റെ പേരില്‍ മുസ്്‌ലിം സമുദായത്തിനെ ക്രൂശിക്കാന്‍ ശ്രമിച്ച മന്ത്രിയുടെ നടപടി ഹിന്ദു-മുസ്്‌ലിം ധ്രുവീകരണം ലക്ഷ്യമിട്ടുള്ളതായിരുന്നു.
ഇക്കാര്യത്തില്‍ മന്ത്രി ജനങ്ങളോട് മാപ്പ് പറയണമെന്നാവശ്യപ്പെട്ടായിരുന്നു മാര്‍ച്ച്. തവനൂര്‍ മണ്ഡലം പ്രസിഡന്റ് മരക്കാര്‍ ഹാജി, സെക്രട്ടറി നൂറുല്‍ ഹഖ്, മുഫീദ് റഹ്്മാന്‍, അസീസ് കാലടി, ടി എ അബ്ദുല്ലക്കുട്ടി നേതൃത്വം നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss