|    Oct 15 Mon, 2018 8:17 pm
FLASH NEWS

വര്‍ക്ക്‌ഷോപ്പ് ഉടമയുടെ പണവുമായി മുങ്ങിയതായി പരാതി

Published : 18th September 2018 | Posted By: kasim kzm

പയ്യോളി: വര്‍ക്ക് ഷോപ്പ് ഉടമയെ കബളിപ്പിച്ച് എഴുപത്തിയഞ്ചായിരം രൂപ തട്ടിയതായി പരാതി .ഈ മാസം അഞ്ചിന് യുവാവ് സഞ്ചരിച്ച കാറും മീന്‍ലോറിയും തമ്മില്‍ ദേശീയപാതയില്‍ തിക്കോടിക്ക് സമീപം ഇടിച്ചിരുന്നു.
സംഭവം ഇരുകൂട്ടരും തമ്മില്‍ ഒത്തുതീര്‍ത്തതോടെ ക്രെയിന്‍ വരുത്തി കാര്‍ വടകര വിഒ റോഡിലുള്ള ജോയ് എന്നയാളുടെ വര്‍ക്ക് ഷോപ്പില്‍ എത്തിക്കുകയായിരുന്നു. കാര്‍ വില്‍പന നടത്താന്‍ താല്‍പര്യം കാണിച്ച യുവാവ് കൂടെയുണ്ടായിരുന്ന ഭാര്യക്ക് അപകടത്തില്‍ പരിക്ക് പറ്റിയതായും ആശുപത്രിയില്‍ പ്രവേശിപ്പിക്കണം എന്ന് പറഞ്ഞ്പണം കൈക്കലാക്കുകയായിരുന്നു.
വര്‍ക്ക് ഷോപ്പ് ഉടമയുടെ പരാതിയില്‍ പോലിസ്‌കേസെടുത്തു. പ്രതി നിലമ്പൂര്‍ സ്വദേശി ഫിറോസ് ഖാന് വേണ്ടിയുള്ള അന്വേഷണം ഊര്‍ജിതമാക്കി. ഇയാള്‍ ആലപ്പുഴയിലെ സുഹൃത്ത് നല്‍കിയ ഫോര്‍ രജിസ്‌ട്രേഷന്‍ കാര്‍ വാങ്ങി മുങ്ങിയിരുന്നു .
ഈ യാത്രയില്‍ ഗോവയില്‍ പോയി തിരിച്ചു വരുന്നതിനിടയിലാണ് അപകടം നടന്നത്. കാറിന്റെ യഥാര്‍ഘ ഉടമ പരാതിയുമായി പയ്യോളി പോലളസിനെ സമീപിച്ചിട്ടുണ്ട്. ആള്‍മാറാട്ടം, വിശ്വാസ വഞ്ചന തുടങ്ങിയ കുറ്റങ്ങള്‍ ചുമത്തിയാണ് പയ്യോളി പോലിസ് കേസെടുത്തത്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss