|    Sep 24 Mon, 2018 10:40 pm
FLASH NEWS

വരുമാന സര്‍ട്ടിഫിക്കറ്റ് നിഷേധിച്ചു ; സബ് കലക്ടര്‍ക്കും ഡിവൈഎസ്പിക്കും നോട്ടിസ്‌

Published : 13th May 2017 | Posted By: fsq

 

കാഞ്ഞങ്ങാട്: വരുമാന സര്‍ട്ടിഫിക്കറ്റ് നിഷേധിച്ച സംഭവവുമായി ബന്ധപ്പെട്ട് കാഞ്ഞങ്ങാട് സബ്കലക്ടറായിരുന്ന മൃണ്‍മയിജോഷി, വെള്ളരിക്കുണ്ട് തഹസില്‍ദാര്‍ കെ രവികുമാര്‍, ബേളൂര്‍ വില്ലേജ് ഓഫിസര്‍ കെ രാഘവന്‍, വിജിലന്‍സ് ഡിവൈഎസ്പി രഘുരാമന്‍ എന്നിവര്‍ക്കെതിരെ ക്രിമിനല്‍ കേസ് ഹരജി ഫയല്‍ ചെയ്തു. പരാതി സ്വീകരിച്ച കോടതി ബന്ധപ്പെട്ടവര്‍ക്ക് നോട്ടീസ് അയക്കാന്‍ ഉത്തരവിട്ടു.ഇരിയ മുട്ടിച്ചരലിലെ എം വി ആലാമി (80), ഭാര്യ ടി വി രാധ (77) എന്നിവര്‍ക്കാണ് ബേളൂര്‍ വില്ലേജ് ഓഫീസര്‍ വരുമാന സര്‍ട്ടിഫിക്കറ്റ് നിഷേധിച്ചത്. 2016 മാര്‍ച്ച് 26നാണ് അപേക്ഷ നല്‍കിയത്. സര്‍ട്ടിഫിക്കറ്റ് നിഷേധിച്ചതിനെത്തുടര്‍ന്ന് തഹസില്‍ദാര്‍, സബ്കലക്ടര്‍, വിജിലന്‍സ് ഡിവൈഎസ്പി എന്നിവര്‍ക്ക് പരാതി നല്‍കിയിരുന്നുവെങ്കിലും പരിഗണിച്ചില്ലെന്നാണ് പരാതി. ദമ്പതികളുടെ മകന്‍ ടി വി മദനനാണ് ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതി (ഒന്ന്)യില്‍ ക്രിമിനല്‍ നടപടിക്കായി അന്യായം ഫയല്‍ ചെയ്തത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss