|    Aug 16 Thu, 2018 7:26 am
FLASH NEWS
Home   >  Todays Paper  >  Page 5  >  

വരാപ്പുഴ കസ്റ്റഡി മരണം: എ വി ജോര്‍ജിനെ അറസ്റ്റ് ചെയ്യുക; എസ്ഡിപിഐ സെക്രട്ടേറിയറ്റ് ധര്‍ണ ഇന്ന്

Published : 27th June 2018 | Posted By: kasim kzm

തിരുവനന്തപുരം: വരാപ്പുഴയില്‍ ശ്രീജിത്തിനെ കസ്റ്റഡിയില്‍ മര്‍ദിച്ച് കൊലപ്പെടുത്തിയ കേസില്‍ വ്യക്തമായ പങ്കുള്ളതായി സംശയിക്കുന്ന ആലുവ മുന്‍ റൂറല്‍ എസ്പി എ വി ജോര്‍ജിനെ അറസ്റ്റ് ചെയ്യണമെന്ന് ആവശ്യപ്പെട്ട് എസ്ഡിപിഐ സംസ്ഥാന കമ്മിറ്റി ഇന്ന് സെക്രട്ടേറിയറ്റിനു മുന്നില്‍ ധര്‍ണ നടത്തുമെന്ന് സംസ്ഥാന സെക്രട്ടറി മുസ്തഫ കൊമ്മേരി പറഞ്ഞു.
രാവിലെ 10.30ന് ആരംഭിക്കുന്ന ധര്‍ണ സംസ്ഥാന വൈസ് പ്രസിഡന്റ് മൂവാറ്റുപുഴ അഷ്‌റഫ് മൗലവി  ഉദ്ഘാടനം ചെയ്യും.
എ വി ജോര്‍ജ് നിയമവിരുദ്ധമായി രൂപീകരിച്ച ആര്‍ടിഎഫിലെ പോലിസ് ഉദ്യോഗസ്ഥര്‍ ശ്രീജിത്തിനെ അറസ്റ്റ് ചെയ്തത് എസ്പിയുടെ അറിവോടെയായിരിക്കുമെന്ന് ഹൈക്കോടതി വരെ സംശയം പ്രകടിപ്പിച്ചു. എന്നിട്ടും എ വി ജോര്‍ജിനെ പ്രതിചേര്‍ക്കാന്‍ സര്‍ക്കാര്‍ മടിച്ചുനില്‍ക്കുന്നത് അദ്ദേഹത്തെ സംരക്ഷിക്കുന്നതിനു വേണ്ടിയാണ്.
നിയമവിരുദ്ധ പ്രവര്‍ത്തനം നടത്തുന്നവരുടെ സംരക്ഷകരായി സര്‍ക്കാര്‍ തരംതാഴ്ന്നുകൊണ്ടിരിക്കുകയാണ്.
ശ്രീജിത്തിനെ അനധികൃതമായി കസ്റ്റഡിയില്‍ എടുത്തതിനെതിരേ എസ്ഡിപിഐ കോടതിയില്‍ ഹരജി നല്‍കിയിട്ടുണ്ട്. എ വി ജോര്‍ജിനെ സംരക്ഷിക്കാനുള്ള നീക്കം ഉപേക്ഷിച്ച് ശക്തമായ നടപടി സ്വീകരിക്കാന്‍ സര്‍ക്കാര്‍ തയ്യാറാവണമെന്നും അദ്ദേഹം പറഞ്ഞു.
ധര്‍ണയില്‍ സംസ്ഥാന ജനറല്‍ സെക്രട്ടറി റോയി അറക്കല്‍, സംസ്ഥാന സെക്രട്ടറി കെ എസ് ഷാന്‍, സിയാദ് കണ്ടല, എ കെ സലാഹുദ്ദീന്‍, അന്‍സാരി ഏനാത്ത്, വി എം ഫഹദ്, അഷ്‌റഫ് പ്രാവച്ചമ്പലം സംസാരിക്കും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss