|    Oct 22 Sun, 2017 1:24 am

വയോധികയെ ആക്രമിച്ച് മാല കവര്‍ന്നു

Published : 5th April 2016 | Posted By: SMR

മട്ടന്നൂര്‍: മാവേലി സ്‌റ്റോറില്‍ നിന്ന് സാധനങ്ങള്‍ വാങ്ങി വീട്ടിലേക്ക് പോകുകയായിരുന്ന വയോധികയെ തളളിയിട്ട് ബൈക്കിലെത്തിയ യുവാവ് സ്വര്‍ണ്ണ മാല കവര്‍ന്നു.
ഇന്നലെ രാവിലെ 11 ഓടെ കൂടാളി കോഴിയോടന്‍ച്ചാലിലായിരുന്നു സംഭവം. മുഖത്തും കൈക്കും പരിക്കേറ്റ പൂവ്വത്തൂരിലെ പാറോത്ത് വീട്ടില്‍ പി അമ്മാളു(70)വിനെ കണ്ണൂര്‍ എകെജി ആശുപത്രിയില്‍ പ്രവേശിപ്പിച്ചു. കോഴിയോടന്‍ച്ചാല്‍-പൂവ്വത്തൂര്‍ റോഡില്‍ വെച്ച് ബൈക്കിലെത്തിയ യുവാവ് അമ്മാളുവിനോട് ഒരാളെക്കുറിച്ച് അന്വേഷിക്കുകയായിരുന്നു.
അറിയില്ലെന്ന് അമ്മാളു പറഞ്ഞയുടന്‍ കഴുത്തിലുണ്ടായിരുന്ന രണ്ടേമുക്കാല്‍ പവന്‍ തൂക്കം വരുന്ന താലി മാല പൊട്ടിച്ച് യുവാവ് ബൈക്കുമായി അമിത വേഗതയില്‍ രക്ഷപ്പെടുകയായിരുന്നുവത്രെ.
മട്ടന്നൂര്‍ പോലിസില്‍ പരാതി നല്‍കി.എസ്‌ഐ എം പി വിനീഷ് കുമാര്‍ ആശുപത്രിയിലെത്തി അമ്മാളുവില്‍ നിന്ന് മൊഴിയെടുത്തു. പോലിസ് കേസെടുത്ത് അന്വേഷണം ആരംഭിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക