|    Nov 15 Thu, 2018 12:23 pm
FLASH NEWS
Home   >  Kerala   >  

വയോധികക്കെതിരേ വധ ഭീഷണി: ബിജെപി നേതാവ് അറസ്റ്റില്‍

Published : 4th July 2018 | Posted By: G.A.G

തൃശൂര്‍: തിരുവനന്തപുരത്തു താമസിക്കുന്ന 67കാരിക്കെതിരേ വധഭീഷണി മുഴക്കിയ ബിജെപി നേതാവായ അഭിഭാഷകനെ നെയ്യാറ്റിന്‍കര  പോലിസ് അറസ്റ്റ് ചെയ്തു. തൃശൂര്‍ മണ്ണംപേട്ട സ്വദേശി ഗുരുവായൂരപ്പനെയാണ് അറസ്റ്റു ചെയ്തത്. പ്രതി ഗുരുവായൂരപ്പന്റെ മുന്‍കൂര്‍ ജാമ്യഹര്‍ജി കോടതി നേരത്തെ തള്ളിയിരുന്നു. കഴിഞ്ഞ തവണ അളഗപ്പനഗര്‍ ബ്ലോക്ക് പഞ്ചായത്തിലേക്കു ബിജെപി സ്ഥാനാര്‍ഥിയായിരുന്നു ഗുരുവായൂരപ്പന്‍. തിരുവനന്തപുരം നെയ്യാറ്റിന്‍കര തൊഴുക്കല്‍ സ്വദേശി സുകുമാരിയെ പലതവണ ഫോണില്‍ വിളിച്ച് വധഭീഷണി മുഴക്കിയെന്നാണ് കേസ്. വീട്ടിലെ കുട്ടികളെ ബലാല്‍സംഗം ചെയ്യുമെന്നും ഭീഷണിപ്പെടുത്തി. സ്ത്രീത്വത്തെ അപമാനിക്കുന്ന വിധത്തില്‍ സംസാരിച്ചെന്നുമാണ് കേസ്. അഭിഭാഷകന്റെ ഭീഷണി നേരിടുന്ന കുടുംബത്തിനു പോലിസ് സംരക്ഷണം നല്‍കാന്‍ കഴിഞ്ഞയാഴ്ച ഹൈക്കോടതി ഉത്തരവിട്ടിരുന്നു. ഇതനുസരിച്ച് നെയ്യാറ്റിന്‍കരയിലെ വീടിനു പോലിസ് സംരക്ഷണം ഏര്‍പ്പെടുത്തിയിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss