|    Nov 19 Mon, 2018 8:51 am
FLASH NEWS
Home   >  Todays Paper  >  Page 4  >  

വയനാട്ടില്‍ രണ്ടുപേര്‍ക്ക് സൂര്യാതപമേറ്റു

Published : 11th September 2018 | Posted By: kasim kzm

കല്‍പറ്റ: പ്രളയം നാശം വിതച്ച വയനാട് കനത്ത വെയിലില്‍ ചുട്ടുപൊള്ളുന്നു. വെയിലേറ്റ് ജോലി ചെയ്ത രണ്ടു പേര്‍ക്ക് സൂര്യാതപമേറ്റു. വോളിബോള്‍ മൈതാനം വൃത്തിയാക്കുന്നതിനിടയില്‍ വെണ്ണിയോട് മൈലാടി കമ്മനാട് ഇസ്മായീല്‍ (35), വീടിനോട് ചേര്‍ന്നുള്ള തോട്ടത്തില്‍ പണിയെടുക്കുന്നതിനിടയില്‍ നടവയല്‍ പുഞ്ചക്കുന്ന് കണ്ടോത്ത് ബിജു (37) എന്നിവര്‍ക്കാണ് സൂര്യാതപമേറ്റത്. ഇന്നലെ ഉച്ചയോടെയാണ് സംഭവം. ഇരുവരുടെയും ശരീരത്തിന്റെ പിന്‍ഭാഗത്ത് പൊള്ളലേറ്റിട്ടുണ്ട്. തുടര്‍ന്ന് ഇരുവരും സമീപത്തെ ആശുപത്രികളില്‍ പ്രാഥമിക ചികില്‍സ തേടി. സൂര്യാഘാതത്തേക്കാളും കാഠിന്യം കുറഞ്ഞതാണ് സൂര്യാതപമെങ്കിലും പ്രത്യേകം ശ്രദ്ധ വേണമെന്ന് ഡിഎംഒ ഡോ. രേണുക അറിയിച്ചു. എല്ലാവരും ധാരാളം വെള്ളം കുടിക്കണമെന്നും ചൂട് കൂടുതലുള്ള സമയത്ത് തുറസ്സായ സ്ഥലങ്ങളില്‍ നിന്നു മാറിനില്‍ക്കാന്‍ ശ്രമിക്കണമെന്നും ഡിഎംഒ നിര്‍ദേശിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss