|    Jul 27 Thu, 2017 12:26 am
FLASH NEWS
Home   >  Todays Paper  >  Page 1  >  

വയനാട്ടില്‍ നാലു തോട്ടംതൊഴിലാളികള്‍ക്ക് സൂര്യതാപമേറ്റു

Published : 27th February 2016 | Posted By: SMR

കല്‍പ്പറ്റ: സംസ്ഥാനത്ത് ചൂട് കനക്കുന്നു. വയനാട്ടില്‍ നാലു തോട്ടംതൊഴിലാളികള്‍ക്ക് സൂര്യതാപമേറ്റു. മേപ്പാടി ചുളിക്ക എവിടി തേയിലത്തോട്ടത്തില്‍ കൊളുന്ത് ശേഖരിക്കവെ രാജലക്ഷ്മി(38), ഖദീജ(44), നിബൈസ(32), ബീന(35) എന്നിവര്‍ക്കാണു സൂര്യതാപമേറ്റത്. ഇന്നലെ ഉച്ചയോടെയാണ് സംഭവം.
കടുത്ത ദേഹാസ്വാസ്ഥ്യം അനുഭവപ്പെട്ട ഇവര്‍ മേപ്പാടി സാമൂഹികാരോഗ്യകേന്ദ്രത്തില്‍ ചികില്‍സതേടി. അതിനിടെ, വേനലിന്റെ തീവ്രത കണക്കിലെടുത്ത് ജില്ലയിലെ തോട്ടങ്ങളില്‍ ജോലിസമയം പുനക്രമീകരിക്കണമെന്ന് തോട്ടംതൊഴിലാളി യൂനിയന്‍ ആവശ്യപ്പെട്ടു. തൊഴിലാളികള്‍ക്ക് തിളപ്പിച്ചാറ്റിയ വെള്ളം ലഭ്യമാക്കാന്‍ സംവിധാനം ഏര്‍പ്പെടുത്തണമെന്ന ആവശ്യവും ഉയര്‍ന്നിട്ടുണ്ട്.
കഴിഞ്ഞ വേനലില്‍ ജോലിസമയം ക്രമീകരിക്കാന്‍ ജില്ലാ ഭരണകൂടം നിര്‍ദേശിച്ചിരുന്നു. എന്നാല്‍, ഇതു നടപ്പാക്കാന്‍ മാനേജ്‌മെന്റുകള്‍ തയ്യാറായിരുന്നില്ല.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക