|    Jan 16 Tue, 2018 9:19 pm
FLASH NEWS
Home   >  Todays Paper  >  page 11  >  

വനിതാ ഫുട്‌ബോളിലെ ഗോള്‍വേട്ടക്കാരി വാംബാക്ക് വിരമിക്കുന്നു

Published : 29th October 2015 | Posted By: SMR

ന്യൂയോക്ക്: വനിതാ ഫുട്‌ബോളില്‍ നിലവില്‍ ലോകത്തിലെ ഏറ്റവും വലിയ ഗോള്‍വേട്ടക്കാരിയായ അമേരിക്കന്‍ താരം അബി വാംബാക്ക് വിരമിക്കാനൊരുങ്ങുന്നു. ഡിസംബറില്‍ താന്‍ കളി മതിയാക്കുമെന്ന് 35കാരിയായ താരം പ്രഖ്യാപിച്ചു. 15 വര്‍ഷത്തെ അന്താരാഷ്ട്ര കരിയറില്‍ ദേശീയ ടീമിനുവേണ്ടി 252 മല്‍സരങ്ങളില്‍ നിന്ന് വാംബാക്ക് 184 ഗോളുകള്‍ നേടിയിട്ടുണ്ട്.
ഈ വര്‍ഷം നടന്ന ഫിഫ ലോകകപ്പില്‍ ചാംപ്യന്മാരായ അമേരിക്കന്‍ ടീമില്‍ അംഗമായിരുന്ന താരം രണ്ടു തവണ ഒളിംപിക്‌സ് ഫുട്‌ബോളിലും ജേതാവായിട്ടുണ്ട്.
2012ല്‍ ഫിഫയുടെ മികച്ച വനിതാ ഫുട്‌ബോളര്‍ക്കുള്ള പ്ലെയര്‍ ഓഫ് ദി ഇയര്‍ പുരസ്‌കാരം നേടിയിട്ടുള്ള വാംബാക്ക് ആറു വര്‍ഷം രാജ്യത്തെ മികച്ച കായികതാരമായും തിരഞ്ഞെടുക്കപ്പെട്ടിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day