|    Dec 17 Sun, 2017 3:46 am
FLASH NEWS

വനിതാ പഞ്ചായത്ത് വൈസ് പ്രസിഡന്റിനോട് അപര്യാദയായി പെരുമാറി : റേഷന്‍ ഡിപ്പോ ലൈസന്‍സിയുടെ അംഗീകാരം റദ്ദാക്കി

Published : 27th October 2017 | Posted By: fsq

 

കൊല്ലം:റേഷന്‍ ഡിപ്പോ ലൈസന്‍സി പൂതക്കുളം പഞ്ചായത്തിലെ വനിതാ വൈസ് പ്രസിഡന്റിനോടും കാര്‍ഡുടമകളോടും അപമര്യാദയായി പെരുമാറിയ സംഭവത്തില്‍ ഭൂതക്കുളം 250 ാം നമ്പര്‍ റേഷന്‍ ഡിപ്പോ നടത്തുവാന്‍ നല്‍കിയിരുന്ന അംഗീകാരം താല്‍ക്കാലികമായി പിന്‍വലിച്ചു. സൗജന്യമായി വിതരണം നടത്തേണ്ട റേഷന്‍ സാധനങ്ങള്‍ തിരിമറി തടത്തിയതായി സപ്ലൈ ഓഫിസിലെ പരിശോധനയില്‍ കണ്ടെത്തിയിരുന്നു. അര്‍ഹതപ്പെട്ട ഭക്ഷ്യധാന്യങ്ങള്‍ കാര്‍ഡുടമകള്‍ക്ക് വിതരണം ചെയ്യാതെ തിരിമറി നടത്തുന്നതായുള്ള കാര്‍ഡുടമകളുടെ പരാതി അന്വേഷിക്കാന്‍ ചെന്നതായിരുന്നു വൈസ് പ്രസിഡന്റ്. കാര്‍ഡുടമകളോടും ഉദ്യോഗസ്ഥന്‍മാരോടും ജനപ്രതിനിധികളോടും മോശപ്പെട്ട ഭാഷയായിരുന്നു ഇയാള്‍ ഉപയോഗിച്ചിരുന്നതെന്ന് വ്യാപക പരാതി ഉയര്‍ന്നിരുന്നു. 250ാം നമ്പര്‍ റേഷന്‍ ഡിപ്പോയില്‍ രജിസ്റ്റര്‍ ചെയ്തിട്ടുള്ള കാര്‍ഡുകള്‍ 249 ാം നമ്പര്‍ റേഷന്‍ ഡിപ്പോയില്‍ നിന്നും ഇനിയൊരുത്തരവുണ്ടാകുന്നതുവരെ റേഷന്‍ സാധനങ്ങള്‍ വാങ്ങാവുന്നതാണെന്ന് കൊല്ലം താലൂക്ക് സപ്ലൈ ഓഫിസര്‍ അറിയിച്ചു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss