|    Jan 24 Wed, 2018 1:29 pm
FLASH NEWS
Home   >  Todays Paper  >  page 10  >  

വനിതാ ഡോക്ടറെ കൈയേറ്റം ചെയ്തത് അപലപനീയം : കെജിഎംഒഎ

Published : 4th October 2017 | Posted By: fsq

 

തിരുവനന്തപുരം: മലപ്പുറം ജില്ലയിലെ പാങ്ങ് പ്രാഥമികാരോഗ്യ കേന്ദ്രത്തിലെ വനിതാ ഡോക്ടറെ ഒരുകൂട്ടം ആളുകള്‍ കൈയേറ്റം ചെയ്ത നടപടിയില്‍ കെജിഎംഒഎ പ്രതിഷേധിച്ചു. മുഴുവന്‍ പ്രതികളെയും ജാമ്യമില്ലാത്ത ആശുപത്രി സംരക്ഷണ നിയമമനുസരിച്ചും ഔദ്യോഗിക കൃത്യം തടസ്സപ്പെടുത്തല്‍ നിയമമനുസരിച്ചും അറസ്റ്റ് ചെയ്യണം. ഒരു ഡോക്ടര്‍ കോടതി ഡ്യൂട്ടിക്ക് പോയപ്പോള്‍ വനിതാ ഡോക്ടര്‍ രാവിലെ ഒപി നോക്കിത്തീര്‍ത്ത് എംആര്‍ കാംപയിന്റെ ഭാഗമായ പ്രതിരോധ കുത്തിവയ്പിന് പുറപ്പെടുമ്പോഴാണ് സംഭവം. ആവശ്യത്തിന് ഡോക്ടര്‍മാരെ നിയമിക്കാതെ ഉള്ളവരെവച്ച് വിവിധ കാര്യങ്ങള്‍ നടത്താന്‍ ശ്രമിക്കുന്നതാണ് സംഘര്‍ഷത്തിന് ഇടയാക്കുന്നതെന്ന് അധികൃതര്‍ തിരിച്ചറിയണം. ഇത് ഒറ്റപ്പെട്ട സംഭവമായി കാണരുതെന്നും ശക്തമായ നടപടികള്‍ ഉണ്ടാവണമെന്നും കെജിഎംഒഎ ആവശ്യപ്പെട്ടു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day