|    Sep 20 Thu, 2018 4:49 pm
FLASH NEWS
Home   >  Todays Paper  >  Page 4  >  

വനിതാ കമ്മീഷന്‍ : പുതിയ അംഗങ്ങള്‍ ചുമതലയേറ്റു

Published : 6th October 2017 | Posted By: fsq

 

തിരുവനന്തപുരം: കേരള വനിതാ കമ്മീഷനില്‍ പുതിയ അംഗങ്ങളായ ഇ എം രാധ, അഡ്വ. ഷിജി ശിവജി എന്നിവര്‍ ചുമതലയേറ്റു. രാവിലെ പതിനൊന്ന് മണിക്ക് കമ്മീഷന്‍ ആസ്ഥാനത്തെത്തിയ ഇരുവരെയും മെമ്പര്‍ സെക്രട്ടറി കെ ശൈലശ്രീ, അഡ്മിനിസ്‌ട്രേറ്റീവ് ഓഫിസര്‍ ബി പ്രഭ, ഡയറക്ടര്‍ വി യു കുര്യാക്കോസ് എന്നിവര്‍ ചേര്‍ന്നു സ്വീകരിച്ചു. അഞ്ചംഗ കമ്മീഷനില്‍ ഇപ്പോള്‍ നാലു പേരായി. ചെയര്‍പേഴ്‌സണ്‍ എം സി ജോസഫൈന് പുറമെ അഡ്വ. എം എസ് താരയും നിലവില്‍ അംഗങ്ങളായുണ്ട്.  മുന്‍ മുഖ്യമന്ത്രി ഇഎംഎസിന്റെ മകളായ ഇ എം രാധ രാഷ്ട്രീയ, സാമൂഹിക, സാംസ്‌കാരിക രംഗങ്ങളിലെ സജീവ സാന്നിധ്യമാണ്. ദേശാഭിമാനി മാനേജ്‌മെന്റ് വിഭാഗത്തിലും ചിന്ത പബ്ലിഷേഴ്‌സിലും പ്രവര്‍ത്തിച്ചിരുന്നു. കാലാവധി കഴിഞ്ഞ കമ്മീഷനില്‍ അവസാന വര്‍ഷം അംഗമായിരുന്ന അഡ്വ. ഷിജി ശിവജി പുതിയ കമ്മീഷനില്‍ വീണ്ടും നിയമിതയായി. എറണാകുളം കോലഞ്ചേരി സ്വദേശിയായ അഡ്വ. ഷിജി സംസ്ഥാന ജെന്‍ഡര്‍ അഡൈ്വസറി കമ്മിറ്റി അംഗമായും പ്രവര്‍ത്തിച്ചിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss