|    Feb 22 Thu, 2018 12:25 am
FLASH NEWS

വനവാസികളുടെ വിദ്യാഭ്യാസം : ഗോത്രസാരഥി പദ്ധതിയും നിലയ്ക്കുന്നു

Published : 13th May 2017 | Posted By: fsq

 

സുല്‍ത്താന്‍ ബത്തേരി: വനവാസി വിദ്യാര്‍ഥികളെ വിദ്യാലയങ്ങളിലെത്തിക്കുന്നതിന് പട്ടികവര്‍ഗ വികസന വകുപ്പ് നടപ്പാക്കിയ ഗോത്രസാരഥി പദ്ധതിയും നിലക്കുന്നു. പുതിയ വിദ്യാഭ്യാസ വര്‍ഷം ടിഡിഒയുടെ അനുമതിയില്ലാതെ ഒരു വിദ്യായാലയവും ഈ പദ്ധതിക്കായി വാഹനം ഏര്‍പ്പാടാക്കരുതെന്നാണ് വിദ്യാലയ നടത്തിപ്പുകാര്‍ക്ക് ലഭിച്ച ഉത്തരവില്‍ പറയുന്നത്.സുല്‍ത്താന്‍ ബത്തേരി താലൂക്കില്‍ മാത്രം 38 എട്ട് വിദ്യാലയങ്ങളില്‍ ഗോത്രസാരഥിയെ ആശ്രയിച്ച് വിദ്യാലയത്തിലെത്തു—ന്ന ആദിവാസി കുട്ടികള്‍ ഉണ്ട്. വിദ്യാഭ്യാസ വര്‍ഷത്തിന്റെ ആരംഭത്തില്‍ തന്നെ വാഹനം ഉറപ്പാക്കിയാലെ ഈ കുട്ടികളെ സമയത്തിന് ക്ലാസുകളിലെത്തിക്കാന്‍ കഴിയുകയുള്ളുവെന്ന് ഗോത്രമേഖലയിലെ വിദ്യാഭ്യാസ പ്രവര്‍ത്തകര്‍ ചൂണ്ടിക്കാട്ടുന്നു. ഏറ്റവും ചുരുങ്ങിയത് കഴിഞ്ഞ വര്‍ഷം പദ്ധതി നടപ്പാക്കിയ സര്‍ക്കാര്‍ വിദ്യാലയങ്ങളിലെങ്കിലും ജൂണ്‍ ആദ്യം മുതല്‍ ഇത് നടപ്പാക്കണമെന്നും ഇവര്‍ ആവശ്യപ്പെടുന്നു. സ്വന്തമായി വാഹനങ്ങളുള്ള ചില എയ്ഡഡ് വിദ്യലയ നടത്തിപ്പുകാര്‍ ഈ പദ്ധതി നടത്തിപ്പില്‍ ക്രമക്കേട് വരുത്തുതായി അധികൃതരുടെ ശ്രദ്ധയില്‍ പെട്ടിട്ടുണ്ട്. കഴിഞ്ഞ വിദ്യാഭ്യാസ വര്‍ഷം ഈ ആവശ്യത്തിന് ഓടിയ വാഹനങ്ങളുടെ വാടക കുടിശിക മാര്‍ച്ച് വരെയുള്ളത് ഉടനെ നല്‍കുമെന്നും സുല്‍ത്താന്‍ ബത്തേരി ടിഡിഒ ഓഫിസില്‍ നിന്നും അിറയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss