|    Jul 25 Tue, 2017 12:16 pm
FLASH NEWS

വനംവകുപ്പ് പരിശോധന; നാടന്‍തോക്കും തിരകളുമായി ഒരാള്‍ അറസ്റ്റില്‍

Published : 27th December 2015 | Posted By: SMR

ഇരിട്ടി: ബൈക്കില്‍ കടത്തുകയായിരുന്ന ലൈസന്‍സില്ലാത്ത നാടന്‍ തോക്കും തിരകളുമായി ഒരാളെ വനംവകുപ്പ് ഉദ്യോഗസ്ഥര്‍ അറസ്റ്റ് ചെയ്തു. പടിയൂര്‍ മുണ്ടക്കല്‍ ഹൗസില്‍ എം ബിന്ദു ജോസഫാ(42)ണ് അറസ്റ്റിലായത്. പടിയൂരില്‍ നിന്നു ഉളിക്കലിലേക്ക് പോവുന്നതിനിടെ തന്തോട് നിന്നാണ് ഇയാളെ അറസ്റ്റ് ചെയ്തത്. തോക്ക് ചാക്കില്‍ കെട്ടി പൊതിഞ്ഞ നിലയിലായിരുന്നു.
രണ്ടു നാടന്‍ തിരകളും പിടിച്ചെടുത്തു. ലൈസന്‍സില്ലാത്ത തോക്ക് നായാട്ടുസംഘത്തിന് എത്തിച്ചുകൊടുക്കുന്ന സംഘത്തിലെ കണ്ണിയാണ് ഇയാളെന്നു സംശയിക്കുന്നതായി വനംവകുപ്പ് ഉദ്യോഗസ്ഥര്‍ പറഞ്ഞു. റെയിഞ്ച് ഓഫിസര്‍ വി രതിരന്‍, സെക്ഷന്‍ ഫോറസ്റ്റര്‍ മനോഹരന്‍ കോട്ടത്ത് എന്നിവരുടെ നേതൃത്വത്തിലാണു പരിശോധന നടത്തിയത്. ജോസഫിനെയും തോക്കും തിരയും പോലിസിനു കൈമാറി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക