|    Mar 25 Sat, 2017 7:16 pm
FLASH NEWS

വടമയിലെ ശോഭന കൊലക്കേസ് : ക്രൈം ബ്രാഞ്ച് അന്വേഷണം ഊര്‍ജിതമാക്കി

Published : 15th February 2016 | Posted By: SMR

മാള: വടമയിലെ ശോഭന കൊലക്കേസ് അന്വേഷണം ക്രൈം ബ്രാഞ്ച് ഊര്‍ജ്ജിതമാക്കി. മാളയില്‍ ക്യാംപ് ചെയ്താണ് ക്രൈം ബ്രാഞ്ച് പ്രത്യേക അന്വേഷണ സംഘം കേസ് അന്വേഷിക്കുന്നത്.
2014 മാര്‍ച്ച് ഒന്നിനാണ് വടമ സ്വദേശിനി ശോഭനയെ വീടിനടുത്തുള്ള ആളൊഴിഞ്ഞ കെട്ടിടത്തിന്റെ വരാന്തയില്‍ കൊല്ലപ്പെട്ട നിലയില്‍ കണ്ടെത്തിയത്. തലയടക്കം ശരീരത്തിന്റെ വിവിധ ഭാഗങ്ങളില്‍ മുറിവുകള്‍ ഉണ്ടായിരുന്നു. പട്ടികജാതിക്കാരിയായ ശോഭന തനിച്ചാണ് താമസിച്ചിരുന്നത്. സംഭവം കൊലപാതകമാണെന്ന് സ്ഥിരീകരിച്ചെങ്കിലും പ്രതിയെ പിടികൂടാനുള്ള ലോക്കല്‍ പോലിസിന്റെയും ക്രൈം ബ്രാഞ്ചിന്റെയും ശ്രമം വിജയിച്ചില്ല. മൊബൈല്‍ ടവര്‍ കേന്ദ്രീകരിച്ചുള്ള അന്വേഷണമാണ് തുടക്കം മുതല്‍ നടന്നത്.
എന്നാല്‍ ഏറെ നാളായി അന്വേഷണം വഴിമുട്ടിയിരിക്കുകയാണ്. ഏതാനും ദിവസം മുന്‍പാണ് ക്രൈം ബ്രാഞ്ച് പ്രത്യേക അന്വേഷണ സംഘം കേസിന്റെ ചുമതല ഏറ്റെടുത്തത്. കേസന്വേഷണം കാര്യക്ഷമമാക്കണമെന്ന് ആവശ്യപ്പെട്ട് കെപിഎംഎസ് സമരം നടത്തിയിരുന്നു. അതേസമയം കൊലപാതകം നടന്ന് രണ്ട് വര്‍ഷമാകാറായിട്ടും പ്രതിയെ പിടികൂടുന്നതിന് പോലിസിന് സമ്മര്‍ദ്ദമൊന്നും ഇല്ലാതിരുന്നതാണ് കേസ് അന്വേഷണം മന്ദഗതിയിലായതെന്ന് ആക്ഷേപമുണ്ട്.
ജില്ലാ പോലിസ് മേധാവി കെ കാര്‍ത്തിക്കിന്റെ മേല്‍നോട്ടത്ത ില്‍ ഡിവൈഎസ്പി കെ എസ് സുദര്‍ശനന്‍, രഹസ്യാന്വേഷണ ഡിവൈഎസ്പി സുരേഷ്ബാബു എന്നിവരുടെ നേതൃത്വത്തിലുള്ള സംഘമാണ് കേസില്‍ അന്വേഷണം നടത്തുന്നത്.

(Visited 62 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക