|    Oct 23 Mon, 2017 3:31 pm
FLASH NEWS
Home   >  Todays Paper  >  Page 5  >  

വടകര-ബേപ്പൂര്‍ മാതൃകയില്‍ കോലീബി സഖ്യം വരുന്നു: പിണറായി

Published : 13th April 2016 | Posted By: SMR

തിരുവനന്തപുരം: വടകര-ബേപ്പൂര്‍ മാതൃകയിലെ കോലീബി സഖ്യം വീണ്ടും പൊടിതട്ടിയെടുക്കാനുള്ള ശ്രമമാണ് കോണ്‍ഗ്രസ്സും ആര്‍എസ്എസും നടത്തുന്നതെന്ന് സിപിഎം പിബി അംഗം പിണറായി വിജയന്‍. ഓള്‍ ഇന്ത്യ ലായേഴ്‌സ് യൂനിയന്‍ സംഘടിപ്പിച്ച ദേശീയതയും അഭിപ്രായസ്വാതന്ത്ര്യവും പ്രഭാഷണം ഉദ്ഘാടനം ചെയ്യുകയായിരുന്നു പിണറായി.
എങ്ങനെയും അക്കൗണ്ട് തുറക്കാന്‍ വ്യഗ്രത കൂട്ടുന്ന ആര്‍എസ്എസിന് ഉമ്മന്‍ചാണ്ടി എല്ലാ അനുഗ്രഹാശിസ്സുകളും നല്‍കുകയാണ്. ജനവിധി ആര്‍എസ്എസിനും ഉമ്മന്‍ചാണ്ടിക്കുമെതിരാണെന്ന് ഇരു വിഭാഗത്തിനും ഉറപ്പായിക്കഴിഞ്ഞു. ഇതു മറികടക്കാനുള്ള വളഞ്ഞവഴിയാണ് ഇവര്‍ വിഭാഗവും സ്വീകരിക്കുന്നത്.
ഏതാനും സീറ്റുകളില്‍ ബിജെപി സ്ഥാനാര്‍ഥികളെ യുഡിഎഫ് സഹായിക്കും. എല്‍ഡിഎഫിനെ മറിക്കാനാണു നീക്കം. കേരളത്തിന്റെ മതനിരപേക്ഷതയെ തകര്‍ക്കുന്നതാണ് ഈ നിലപാടെന്ന് ജനം തിരിച്ചറിയുന്നുണ്ട്. എല്‍ഡിഎഫ് ഭരണകാലവും യുഡിഎഫ് ഭരണകാലവും തമ്മിലുള്ള വ്യത്യാസമാണ് തിരഞ്ഞെടുപ്പിലെ മുഖ്യ ചര്‍ച്ചാവിഷയമെന്നും പിണറായി വിജയന്‍ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക