|    Dec 12 Wed, 2018 10:08 pm
FLASH NEWS

വടകര പുതിയ ബസ് സ്റ്റാന്റ് ഇനി കാമറക്കണ്ണുകളുടെ നിരീക്ഷണത്തില്‍

Published : 15th September 2018 | Posted By: kasim kzm

വടകര: പുതിയ ബസ് സ്റ്റാന്‍ഡ് നിരീക്ഷണ ക്യാമറകളുടെ വലയത്തില്‍. സ്റ്റാന്‍ഡിനു അകത്തും പുറത്തുമായി എഴ് കാമറകളാണ് സ്ഥാപിച്ചത്.പൊലിസ് മുന്‍കൈ എടുത്ത് വ്യാപാരി വ്യവസായി ഏകോപനസമിതിയും ബസ് ഓപ്പറേറ്റേഴ്‌സ് അസോസിയേഷനും ചേര്‍ന്നാണ് ഇതിനു വേണ്ട സംവിധാനം ഒരുക്കിയത്.
ബസ് സ്റ്റാന്‍ഡില്‍ സാമൂഹിക വിരുദ്ധ ശല്യം വര്‍ധിച്ച സാഹചര്യത്തിലാണ് ഈ നടപടി. രാത്രിയും പകലുമെന്ന വ്യത്യാസമില്ലാതെ സാമൂഹിക വിരുദ്ധര്‍ വിലസുന്നത് ഇവിടെ പതിവാണ്.പിടിച്ചുപറിയും മോഷണവും യാത്രക്കാരെ ശല്യം ചെയ്യുന്നതും വര്‍ധിച്ചു. ഇതിന് അറുതി വരുത്തുന്നതിന്റെ ഭാഗമായാണ് ഒരു ലക്ഷം രൂപ ചെലവില്‍ നിരീക്ഷണ ക്യാമറകള്‍ സ്ഥാപിച്ചിരിക്കുന്നത്. ദിവസവും ആയിരങ്ങള്‍ ആശ്രയിക്കുന്ന ബസ് സ്റ്റാന്‍ഡില്‍ നിരീക്ഷണ ക്യാമറകള്‍ സ്ഥാപിക്കണമെന്ന് എത്രയോ കാലമായി ആവശ്യപ്പെട്ടുവരികയായിരുന്നു. വടകര മുനിസിപ്പാലിറ്റിയുടെ ഭാഗത്ത് നിന്നു തണുപ്പന്‍ പ്രതികരണമാണ് ഉണ്ടായിരുന്നത്. ഏറ്റവും ഒടുവില്‍ പൊലിസ് തന്നെ ഇതിന് മുന്നിട്ടിറങ്ങുകയായിരുന്നു.
ക്യാമറകള്‍ സ്ഥാപിച്ചത് പൊതുജനങ്ങള്‍ക്ക് ഏറ്റവും ഉപകാരപ്രദമായ കാര്യമാണെന്ന് യാത്രക്കാര്‍ അഭിപ്രായപ്പെട്ടു.പൊലിസ് സ്‌റ്റേഷനില്‍ നിന്നും വ്യക്തമായി നിരീക്ഷിക്കും വിധത്തിലാണ് ക്യാമറ മോണിറ്ററുകള്‍ സജ്ജീകരിച്ചിരിക്കുന്നത്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss