|    Sep 22 Sat, 2018 12:52 am
FLASH NEWS
Home   >  Kerala   >  

വടകരയില്‍ കാര്‍ ലോറിയിലിടിച്ച് മൂന്നു മരണം

Published : 21st May 2018 | Posted By: G.A.G

വടകര : ദേശീയപാത വടകര മുട്ടുങ്ങലില്‍ കെഎസ്ഇബി ഓഫീസിന് സമീപം കണ്ടെയ്‌നര്‍ ലോറി കാറിലിടിച്ച് മൂന്ന് മരണം. രണ്ട് പേര്‍ക്ക് പരിക്കേറ്റു. പുന്നോല്‍ കുറിച്ചിയില്‍ ഇയ്യത്തുംകാട് ശ്രീനാരായണ മഠത്തിന് സമീപം സൈന ബാഗ് ഹൗസില്‍ അനസ് (20), പുന്നോല്‍ കുറിച്ചിയില്‍ പരയങ്ങാട് ഹൗസില്‍ സഹീര്‍ (20), പുന്നോല്‍ റൂഫിയ മന്‍സില്‍ നിഹാല്‍ (20) എന്നിവരാണ് മരിച്ചത്. കണ്ണുര്‍ ഭാഗത്ത് നിന്ന് വരുന്ന കണ്ടയിനര്‍ ലോറി എതിര്‍ ദിശയിലേക്ക് പോകുന്ന കെഎല്‍ 58 വി 3968 നമ്പര്‍ സ്വിഫ്റ്റ് കാറിലിടിക്കുകയായിരുന്നു. ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു.
അപകടത്തില്‍ പരിക്ക് പറ്റിയ കാറിലുണ്ടായിരുന്ന രണ്ട് പേരെ കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. കുറിച്ചിയില്‍ സുലൈഖ മന്‍സില്‍ മുഹമ്മദ് തലത് ഇഖ്ബാല്‍, സഹീറിന്റെ മകന്‍ ത്വല്‍ഹത്ത് എന്നിവര്‍ക്കാണ് പരിക്കേറ്റത്. പരിക്കേറ്റവരില്‍ ഒരാളുടെ നില ഗുരുതരമാണെന്നാണ് ആശുപത്രി വൃത്തങ്ങള്‍ അറിയിച്ചത്. കോഴിക്കോട് പോയി വസ്ത്രമെടുത്ത് തിരിച്ചു വരികയായിരുന്നു ഇവരെന്ന് സുഹൃത്തുക്കള്‍ പറഞ്ഞു. ഇസ്മായില്‍ ആണ് മരിച്ച അനസിന്റെ പിതാവ്. ഉമ്മ ഫൈറൂസി. പുന്നോല്‍ സൂഫിയ മന്‍സില്‍ നൗഷാദിന്റെയും റൂഫിയയുടെയും മകനാണ് നിഹാല്‍. പരയങ്ങാട്ട് ഹൗസില്‍ ഹാരിസിന്റയും താഹിറയുടെയും മകനാണ് സഹീര്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss