|    Nov 20 Tue, 2018 5:55 pm
FLASH NEWS
Home   >  Todays Paper  >  Page 1  >  

ലോറിസമരം പിന്‍വലിച്ചു

Published : 28th July 2018 | Posted By: kasim kzm

ന്യൂഡല്‍ഹി: ആവശ്യങ്ങള്‍ അനുഭാവപൂര്‍വം പരിഗണിക്കാമെന്ന സര്‍ക്കാരിന്റെ ഉറപ്പിനെ തുടര്‍ന്ന് എട്ടു ദിവസം നീണ്ട ലോറിസമരം പിന്‍വലിച്ചു. ഗതാഗത വകുപ്പും ഹൈവേ മന്ത്രാലയവും എഐഎംടിസിയും സംയുക്തമായി പുറത്തിറക്കിയ പ്രസ്താവനയിലാണ് സമരം പിന്‍വലിച്ചതായി അറിയിച്ചത്. തൊഴിലാളി സംഘടനാ പ്രതിനിധികളും ഉന്നത ഗതാഗത-ഹൈവേ മന്ത്രാലയ ഉദ്യോഗസ്ഥരും തമ്മില്‍ നടത്തിയ മാരത്തണ്‍ ചര്‍ച്ചകള്‍ക്കുശേഷമാണ് സമരം പിന്‍വലിച്ചത്.
സമരക്കാരുടെ ആവശ്യം പരിഗണിക്കുന്നതിന് റോഡ്, ഗതാഗത, ഹൈവേ സെക്രട്ടറിയുടെ കീഴില്‍ ഉന്നതതല സമിതി രൂപവല്‍ക്കരിക്കുമെന്ന് സര്‍ക്കാര്‍ ഉറപ്പുനല്‍കി. ഡീസല്‍ വില കുറയ്ക്കുന്നത് ഉള്‍പ്പെടെയുള്ള ആവശ്യങ്ങള്‍ ഉന്നയിച്ച് ഈ മാസം 20നാണ് ഓള്‍ ഇന്ത്യാ മോട്ടോര്‍ ട്രാന്‍സ്‌പോര്‍ട്ട് കോണ്‍ഗ്രസ് (എഐഎംടിസി) അനിശ്ചിതകാല സമരം ആരംഭിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss