|    Jun 18 Mon, 2018 3:22 pm
FLASH NEWS

ലോറിയില്‍ കൊണ്ടുവന്ന കക്കൂസ് മാലിന്യം നാട്ടുകാര്‍ പിടികൂടി

Published : 26th May 2018 | Posted By: kasim kzm

തിരൂരങ്ങാടി: നഗരസഭയിലെ കണ്ണാടിത്തടത്ത് ജനവാസ കേന്ദ്രത്തില്‍ തട്ടുന്നതിനായി ടാങ്കര്‍ ലോറിയില്‍ കൊണ്ട് വന്ന കക്കൂസ് മാലിന്യം നാട്ടുകാര്‍ പിടികൂടി പോലീസിലേല്‍പ്പിച്ചു. മൂന്ന് യുവാക്കളെ പോലീസ് അറസ്റ്റ് ചെയ്തു. വേങ്ങര പറപ്പൂര്‍ സ്വദേശികളായ എടക്കണ്ടന്‍ വീട്ടില്‍ ഷൗക്കത്ത് (24), പഞ്ചേലി വീട്ടില്‍ സല്‍മാന്‍ (24), പഞ്ചേലി വീട്ടില്‍ റഷീദ് എന്നിവരെയാണു തിരൂരങ്ങാടി പോലീസ് അറസ്റ്റ് ചെയ്തത്.
ഇന്നലെ പുലര്‍ച്ചെ പന്ത്രണ്ട് മണിയോടെ കണ്ണാടിത്തടതത്തെ പറമ്പില്‍ കക്കൂസ് മാലിന്യം തള്ളുന്നതിനിടെയാണ് ഇവരെ നാട്ടുകാര്‍ പിടികൂടുന്നത്. ഇതിന് മുമ്പും പല തവണ ഇവിടെ കക്കൂസ് മാലിന്യവും മറ്റും തള്ളിയത് കാരണം ദുര്‍ഗന്ധം പതിവായിരുന്നു.
ഈ സാഹചര്യത്തില്‍ അത്തരം സംശയാസ്പദമായ വാഹനങ്ങളെല്ലാം നിരീക്ഷിച്ച് വരികയായിരുന്നുവെന്ന് നാട്ടുകാര്‍ പറഞ്ഞു. ടാങ്കറില്‍ കക്കൂസ് മാലിന്യമാണെന്ന് ബോധ്യപ്പെട്ടതോടെ പോലി സിനെ വിളിച്ച് വരുത്തി കയ്യോടെ ഏല്‍പിക്കുകയായിരുന്നു. ടാങ്കറും പോലിസ് പിടിച്ചെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss