|    Dec 14 Thu, 2017 3:48 pm
FLASH NEWS

ലോക വൃക്കദിനം: കടപ്പുറത്ത് വൃക്കയുടെ മണല്‍ശില്‍പം തീര്‍ത്തു

Published : 11th March 2016 | Posted By: SMR

കോഴിക്കോട്: പുതുതലമുറയിലേക്കു കൂടി ഭീഷണിയായി കടന്നുവരുന്ന വൃക്കരോഗത്തെക്കുറിച്ച് ബോധവല്‍ക്കരണവുമായി കോഴിക്കോട് കടപ്പുറത്ത് വൃക്കയുടെ മണല്‍ശില്‍പം ഒരുക്കി. ലോക വൃക്കദിനത്തോടനുബന്ധിച്ച് ഇഖ്‌റ ഹോസ്പിറ്റലിന്റെ ആഭിമുഖ്യത്തിലായിരുന്നു ശില്‍പം തീര്‍ത്തത്.
‘കുട്ടികളുടെ വൃക്കരോഗം നേരത്തെ കണ്ടെത്താം പ്രതിരോധിക്കാം’ എന്ന ഈ വര്‍ഷത്തെ ലോക കിഡ്‌നി ദിനത്തിന്റെ സന്ദേശം നല്‍കുന്നതായിരുന്നു ശില്‍പം. രോഗപ്രതിരോധം എങ്ങനെ തീര്‍ക്കാം എന്ന അറിവ് പോസ്റ്ററുകള്‍ പ്രദര്‍ശിപ്പിച്ചും സമൂഹത്തിന് നല്‍കി. ഇഖ്‌റ ഹോസ്പിറ്റലിന്റെ മൊബൈല്‍ മെഡിക്കല്‍ വാഹനത്തില്‍ കടപ്പുറത്ത് പൊതുജനങ്ങള്‍ക്ക് സൗജന്യ രക്തപരിശോധനയും നടന്നു.
സമൂഹത്തില്‍ പകര്‍ച്ചവ്യാധി പോലെ ആരോഗ്യത്തെ വരിഞ്ഞുമുറുക്കുകയാണ് ഈ രോഗം. വൃക്കരോഗത്തിന്റെ പേടിപ്പെടുത്തുന്ന കണക്കുകള്‍ക്ക് കേട്ട് ജനം അക്ഷരാര്‍ഥത്തില്‍ അന്ധാളിച്ചു. നെഫ്രോളജിസ്റ്റ് ഫിറോസ് അസീസ് ഉദ്ഘാടനം ചെയ്തു. അക്കാദമിക് കോര്‍ഡിനേറ്റര്‍ ഇ കെ റംസി, സി കെ ശിഹാബ്, ഷെറിന്‍ സംസാരിച്ചു. ഡയാലിസിസ്, നെഫ്രോളജി വിഭാഗം അധ്യാപകരും വിദ്യാര്‍ഥികളും പങ്കെടുത്തു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക