|    Sep 22 Sat, 2018 8:41 pm
FLASH NEWS
Home   >  Kerala   >  

ലോക്‌നാഥ് ബെഹ്‌റ പുതിയ പോലീസ് മേധാവി

Published : 28th June 2017 | Posted By: shins

തിരുവനന്തപുരം: ലോക്‌നാഥ് ബെഹ്‌റയെ വീണ്ടും സംസ്ഥാന പൊലീസ് മേധാവിയാക്കാന്‍ മന്ത്രിസഭായോഗം തീരുമാനിച്ചു. നിലവില്‍ ചുമതല വഹിക്കുന്ന ഡിജിപി ടി.പി.സെന്‍കുമാര്‍ വെള്ളിയാഴ്ച സര്‍വീസില്‍നിന്നു വിരമിക്കും. ബെഹ്‌റയെ നിയമിക്കാന്‍ ചീഫ് സെക്രട്ടറി നളിനി നെറ്റോ അധ്യക്ഷയായ സമിതി ശുപാര്‍ശ ചെയ്തിരുന്നു. 55 ദിവസങ്ങള്‍ക്കുശേഷമാണ് ബെഹ്‌റ പൊലീസ് മേധാവി സ്ഥാനത്തേക്കു തിരിച്ചെത്തുന്നത്. സര്‍ക്കാരിനു നന്ദി പറഞ്ഞ ബെഹ്‌റ, വിവാദങ്ങള്‍ തന്നെ അലട്ടുനിന്നില്ലെന്നും കൂട്ടിച്ചേര്‍ത്തു. പകുതിയില്‍ നിര്‍ത്തിയ കാര്യങ്ങള്‍ പൂര്‍ത്തിയാക്കും. സ്ത്രീകളുടെയും കുട്ടികളുടെയും സുരക്ഷയാണ് പ്രധാനമെന്നും അദ്ദേഹം വ്യക്തമാക്കി. നിലവില്‍ വിജിലന്‍സ് ഡയറക്ടറാണ് ബെഹ്‌റ.
സുപ്രീം കോടതി വിധിയെത്തുടര്‍ന്നു ടി.പി. സെന്‍കുമാര്‍ പൊലീസ് മേധാവിയായി നിയമിതനായതിനെത്തുടര്‍ന്നാണു ആ പദവി വഹിച്ചിരുന്ന ബെഹ്‌റ വിജിലന്‍സ് ഡയറക്ടറായി നിയമിതനായത്. രണ്ടര മാസത്തെ അവധിക്കുശേഷം ഐഎംജി ഡയറക്ടര്‍ ജനറലായി നിയമിതനായ മുന്‍ വിജിലന്‍സ് ഡയറക്ടര്‍ ജേക്കബ് തോമസാണു സെന്‍കുമാര്‍ കഴിഞ്ഞാല്‍ സംസ്ഥാനത്തെ ഏറ്റവും സീനിയറായ ഐപിഎസ് ഉദ്യോഗസ്ഥന്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss