|    Mar 29 Wed, 2017 10:55 pm
FLASH NEWS

ലോക്കപ്പ് മര്‍ദ്ദനം: വിരമിച്ച പോലിസ് ഓഫിസര്‍ക്ക് തടവും പിഴയും

Published : 18th May 2016 | Posted By: SMR

കോഴിക്കോട്: മോഷണക്കുറ്റം ആരോപിച്ച് നിരപരാധിയെ കസ്റ്റഡിയില്‍ എടുത്ത് മര്‍ദ്ദിച്ച പോലിസ് ഓഫിസര്‍ക്ക് ഏഴരമാസം തടവും 10,000 രൂപ പിഴയും.
കോഴിക്കോട് മെഡിക്കല്‍ കോളജ് സര്‍ക്കിള്‍ ഇന്‍സ്‌പെക്ടറായിരുന്ന കെ ആര്‍ പ്രേമചന്ദ്രനെയാണ് താമരശ്ശേരി ജുഡീഷ്യല്‍ ഫസ്റ്റ്ക്ലാസ് മജിസ്‌ട്രേറ്റ് കോടതി ശിക്ഷിച്ചത്. 18 വര്‍ഷം മുമ്പ്, അക്കാലത്ത് ഡിവൈഎസ്പിയായിരുന്ന വിശ്വനാഥ കുറുപ്പിന്റെ വീട്ടിലെ തേക്കുപലകകള്‍ മോഷണം പോയി എന്ന പരാതിയില്‍ കസ്റ്റഡിയില്‍ എടുത്ത കുന്ദമംഗലം ചോലയ്ക്കല്‍ വീട്ടില്‍ ടി പി ചന്ദ്രശേഖരന്‍ ഫയല്‍ ചെയ്ത കേസിലാണ് വിധി.
സ്റ്റേഷനില്‍ എത്തിച്ച ചന്ദ്രശേഖരനെ ക്രൂരമായി മര്‍ദ്ദിച്ചു. ഇതേതുടര്‍ന്ന് ചന്ദ്രശേഖരന്‍ കോടതിയില്‍ നേരിട്ട് ഹരജി സമര്‍പ്പിക്കുകയായിരുന്നു. കേസിലെ രണ്ടാം പ്രതിയായിരുന്നു പ്രേമചന്ദ്രന്‍. ഒന്നാം പ്രതി വിശ്വനാഥകുറുപ്പിനെ കോടതി വെറുതെവിട്ടു.
ടി പി ചന്ദ്രശേഖരനു വേണ്ടി അഭിഭാഷകരായ കെ എസ് പ്രേമരാജ്, എന്‍ വി പി റഫീഖ് എന്നിവര്‍ ഹാജരായി. വെറുതെ വിട്ടവര്‍ക്കെതിരെ അപ്പീല്‍ സമര്‍പ്പിക്കുമെന്ന് ടി പി ചന്ദ്രശേഖരന്‍ അറിയിച്ചു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day