|    Mar 27 Mon, 2017 8:20 pm
FLASH NEWS

ലോകായുക്ത അഴിമതി: പ്രതികളുടെ ജാമ്യം സുപ്രിംകോടതി റദ്ദാക്കി

Published : 2nd April 2016 | Posted By: SMR

ന്യൂഡല്‍ഹി: കര്‍ണാടക ലോകായുക്ത ഓഫിസുകള്‍ പണം പിടുങ്ങുന്നതിന് ഉപയോഗിച്ചുവെന്ന കേസിലെ നാലു പ്രതികള്‍ക്ക് ജാമ്യം അനുവദിച്ച ഹൈക്കോടതി നടപടി സുപ്രിംകോടതി റദ്ദാക്കി.
കേസില്‍ കുറ്റപത്രം സമര്‍പ്പിച്ച സാഹചര്യത്തില്‍ സ്ഥിരം ജാമ്യത്തിനായി വിചാരണക്കോടതിയെ സമീപിക്കാന്‍ പ്രതികള്‍ക്കു സ്വാതന്ത്ര്യമുണ്ടെന്ന് ജസ്റ്റിസുമാരായ പി സി ഘോഷ്, അമിതാവ് റോയ് എന്നിവരടങ്ങിയ ബെഞ്ച് വ്യക്തമാക്കി. കര്‍ണാടക ഹൈക്കോടതിയുടെ ജാമ്യ ഉത്തരവ് നടപ്പാക്കുന്നത് സുപ്രിംകോടതി കഴിഞ്ഞവര്‍ഷം സപ്തംബര്‍ 16ന് സ്റ്റേ ചെയ്തിരുന്നു. സംസ്ഥാന ലോകായുക്ത പി ആര്‍ ഒ സയ്യദ് റിയാസത്തുല്ല അടക്കമുള്ളവരാണ് കേസിലെ പ്രതികള്‍.
സര്‍ക്കാര്‍ എന്‍ജിനീയര്‍ എം എന്‍ മൂര്‍ത്തിയുടെ പരാതിപ്രകാരമാണ് കേസെടുത്തത്. മൂര്‍ത്തിയുടെ വസതിയില്‍ റെയ്ഡ് നടത്താതിരിക്കാന്‍ പ്രതികള്‍ ഒരു കോടി രൂപ ആവശ്യപ്പെട്ടുവെന്നാണ് കേസ്. കേസില്‍ മുന്‍ ലോകായുക്ത വൈ. ഭാസ്‌കര്‍ റാവുവിന്റെ മകന്‍ അശ്വിന്‍ റാവുവും പ്രതിയാണ്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day