|    Mar 30 Thu, 2017 10:26 am
FLASH NEWS

ലോകകപ്പ്; അര്‍ജന്റീന അക്കൗണ്ട് തുറന്നു

Published : 19th November 2015 | Posted By: TK

worldcup-argentina

 

ബൊഗോട്ട/സാല്‍വദോര്‍: നാലു മല്‍സരങ്ങള്‍ നീണ്ട കാത്തിരിപ്പിനൊടുവില്‍ ഗ്ലാമര്‍ ടീം അര്‍ജന്റീനയ്ക്കു ലോകകപ്പ് യോഗ്യതാറൗണ്ടില്‍ ആദ്യ വിജയം. ലാറ്റിനമേരിക്കന്‍ മേഖലാ റൗണ്ടില്‍ കൊളംബിയയെയാണ് അര്‍ജ ന്റീന ഏകപക്ഷീയമായ ഒരു ഗോളിനു മറികടന്നത്. അതേസമയം, അഞ്ചു തവണ ലോക ചാംപ്യന്‍മാരായ ബ്രസീല്‍, കന്നി ലോക കപ്പ് ജേതാക്കളായ ഉറുഗ്വേ, പോയിന്റ് പട്ടികയിലെ ഒന്നാംസ്ഥാനക്കാരായ ഇക്വഡോര്‍ എന്നിവര്‍ മികച്ച ജയം സ്വന്തമാക്കി.
ബ്രസീല്‍ സ്വന്തം കാണികള്‍ക്കു മുന്നില്‍ പെറുവിനെ 3-0ന് തകര്‍ത്തെറിഞ്ഞപ്പോള്‍ ഉറുഗ്വേ കോപ അമേരിക്ക ചാംപ്യന്‍മാ രായ ചിലിയെ ഇതേ സ്‌കോറിനു തരിപ്പണമാക്കുകയായിരുന്നു. മറ്റു മല്‍സരങ്ങളില്‍ ഇക്വഡോര്‍ 3-1ന് വെനിസ്വേലയെയും പരാഗ്വേ 2-1ന് ബൊളീവിയയെയും പരാജയപ്പെടുത്തി.
കൊളംബിയക്കെതിരായ എവേ മല്‍സരത്തില്‍ ലൂക്കാസ് ബിലിയ 20ാം മിനിറ്റില്‍ നേടിയ ഗോളാണ് അര്‍ജന്റീനയ്ക്കു ജയവും വിലപ്പെട്ട മൂന്നു പോയിന്റും സമ്മാനിച്ചത്. എസെക്വില്‍ ലവേസിയുടെ ക്രോസില്‍ നിന്നാണ് താരം വലകുലുക്കിയത്. ജയത്തോടെ നാലു കളികളില്‍ നിന്ന് അഞ്ചു പോയിന്റോടെ അര്‍ജ ന്റീന പട്ടികയില്‍ ആറാംസ്ഥാനത്തേക്കുയര്‍ന്നു.
അതേസമയം, കഴിഞ്ഞയാഴ്ച ചിരവൈരികളായ അര്‍ജന്റീനയുമായി സമനിലയില്‍ പിരിഞ്ഞ ബ്രസീല്‍ മികച്ച ജയത്തോടെ മുന്നേറ്റം നടത്തുകയായിരു ന്നു. ഒരു ഗോള്‍ നേടുകയും മറ്റു രണ്ടു ഗോളുകള്‍ക്കു വഴിയൊരുക്കുകയും ചെയ്ത ഡഗ്ലസ് കോസ്റ്റയുടെ ഉജ്ജ്വല പ്രകടനമാണ് പെറുവിനെതിരേ ബ്രസീലിന്റെ ജയം അനായസമാക്കിയത്. കോസ്റ്റയിലൂടെ (22ാം മിനിറ്റ്) മുന്നിലെത്തിയ മഞ്ഞപ്പട റെന റ്റോ അഗസ്‌റ്റോ (57), ഫിലിപ്പെ ലൂയിസ് (77) എന്നിവരുടെ ഗോളുകളില്‍ ജയമുറപ്പാക്കുകയായിരുന്നു. ജയം ബ്രസീലിനെ പോയിന്റ് പട്ടികയില്‍ മൂന്നാംസ്ഥാനത്തെത്തിച്ചു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day