|    May 23 Wed, 2018 9:10 am

ലൈഫ് സര്‍ട്ടിഫിക്കറ്റ് സമര്‍പ്പണം ഓണ്‍ലൈനാക്കും

Published : 30th December 2017 | Posted By: kasim kzm

കൊല്ലം: കശുവണ്ടി തൊഴിലാളി ആശ്വാസ ക്ഷേമനിധി ബോര്‍ഡില്‍നിന്നും പെന്‍ഷന്‍ വാങ്ങുന്നവരുടെ ലൈഫ് സര്‍ട്ടിഫിക്കറ്റ് ഓണ്‍ലൈനായി സമര്‍പ്പിക്കാന്‍ സൗകര്യമൊരുക്കും. അടുത്ത വര്‍ഷം മുതല്‍ ക്ഷേമനിധി ഓഫിസില്‍ നേരിട്ട് നല്‍കാനും അക്ഷയകേന്ദ്രം വഴി സമര്‍പ്പിക്കാനും സംവിധാനമൊരുക്കുന്നുണ്ടെന്ന് ചെയര്‍മാന്‍ മുരളി മടന്തകോട് അറിയിച്ചു. സ്മാര്‍ട്ട് കാര്‍ഡിനുള്ള അപേക്ഷാഫോറം പ്രാദേശിക യൂനിയന്‍ ഭാരവാഹികള്‍ വഴി സ്വീകരിക്കാനും നടപടിയായി.  അപേക്ഷിച്ച് ഒരു മാസത്തിനകം സ്മാര്‍ട്ട് കാര്‍ഡ് ലഭ്യമാക്കും വിധമാണ് ക്രമീകരണം. സ്മാര്‍ട്ട് കാര്‍ഡ് വിതരണം എഴുകോണ്‍ ശ്രീലക്ഷ്മി ഫാക്ടറിയില്‍ മുരളി മടന്തകോട് ഉദ്ഘാടനം ചെയ്തു. ബോര്‍ഡ് മെംബര്‍ പെരിനാട് മുരളി അധ്യക്ഷത വഹിച്ചു. അക്കൗണ്ട്‌സ് ഓഫിസര്‍ കെ ജി വിജയകുമാര്‍, ബോര്‍ഡംഗം പാല്‍കുളങ്ങര ഹരിദാസ്, പി തങ്കപ്പന്‍പിള്ള, ഗ്രാമപ്പഞ്ചായത്ത് അംഗം രതീഷ്, ജില്ലാ എക്‌സിക്യുട്ടീവ് ഓഫിസര്‍ ബി എസ് അജിത, ഇന്‍സ്‌പെക്ടര്‍ നുഷാദേവി  സംസാരിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss