|    Jul 23 Mon, 2018 1:41 pm
FLASH NEWS

ലേബര്‍ ക്യാംപില്‍ ഇതരസംസ്ഥാന തൊഴിലാളികള്‍ക്ക് നരകജീവിതം

Published : 31st March 2018 | Posted By: kasim kzm

ചെറുപുഴ: അടിസ്ഥാന സൗകര്യങ്ങള്‍ ഇല്ലാതെ ലേബര്‍ ക്യാംപില്‍  ഇതരസംസ്ഥാന തൊഴിലാളികള്‍ വീര്‍പ്പുമുട്ടുന്നു. ചെറുപുഴ പഞ്ചായത്തിന്റെ പുതിയ കെട്ടിടം നിര്‍മിക്കുന്ന സ്ഥലത്തെ ലേബര്‍ ക്യാംപിലാണ് തൊഴിലാളികളെ കുത്തിനിറച്ച് പാര്‍പ്പിച്ചിരിക്കുന്നത്.
നിന്നുതിരിയാന്‍ ഇടമില്ലാത്ത കുടുസ്സുമുറിയില്‍ താമസിക്കുന്നത് പതിനഞ്ചോളം തൊഴിലാളികള്‍. എല്ലാവര്‍ക്കും ഒരുമിച്ച് കിടക്കാന്‍ സ്ഥലമില്ല. ഇതിനാല്‍ പലരും രാത്രിയില്‍ വെളിയിലാണു കിടന്നുറങ്ങുന്നത്. സിമന്റ് തറയില്‍ പായ വിരിച്ചാണു കിടപ്പ്.
ആവശ്യത്തിന് ഫാന്‍ ഇല്ല. ചൂട് കൂടുമ്പോള്‍ ഇവ ഒന്നുമാവില്ല. സാധനങ്ങള്‍ സൂക്ഷിക്കാന്‍ അലമാരയോ പെട്ടിയോ ഇല്ല. ഭക്ഷണങ്ങള്‍ വയ്ക്കുന്നത് പുറത്തെ വൃത്തിഹീനമായ സ്ഥലത്തും. മണ്ണെണ്ണ സ്റ്റൗവില്‍ പാചകം ഉള്‍പ്പെടെയുള്ള കാര്യങ്ങള്‍ ഇവര്‍ തന്നെ ചെയ്യണം. മഴ പെയ്താല്‍ ഭക്ഷണം മുടങ്ങും. പേരിന് ഒരു ശുചിമുറി ഉണ്ടെങ്കിലും വൃത്തിഹീനം തന്നെ. വെള്ളം ലഭിക്കാനും ബുദ്ധിമുട്ടുണ്ട്. മാലിന്യം സംസ്‌കരിക്കാന്‍ ആധുനിക സംവിധാനമില്ല. കൊതുകും മറ്റുമായി പനി ഉള്‍പ്പെടെയുള്ള രോഗങ്ങള്‍ പടരുമ്പോഴും ആരോഗ്യവകുപ്പും കണ്ടില്ലെന്ന് നടിക്കുകയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss