|    Sep 21 Fri, 2018 7:04 pm

ലെവല്‍ ക്രോസ്്് അടച്ചു; അത്യാസന്ന നിലയിലായ രോഗിയുമായി വന്ന വാഹനം കുടുങ്ങി

Published : 11th January 2018 | Posted By: kasim kzm

ഹരിപ്പാട്: തിരക്കേറിയ  ഹരിപ്പാട് -വീയപുരം  കടപ്ര ലിങ്ക് ഹൈവേയില്‍ തൃപ്പക്കുടം ലെവല്‍ ക്രോസില്‍ രോഗിയുമായി വന്ന വാഹനം കുടുങ്ങി. കഴിഞ്ഞ ദിവസം ഉച്ചയ്്ക്കായിരുന്നു സംഭവം: ലെവല്‍ ക്രോസിന് വടക്കുവശം വീയപുരം ഭാഗത്ത് നിന്നാണ് അത്യാസന്ന നിലയിലായ വൃദ്ധയെ വാഹനത്തില്‍ ആശുപത്രിയിലെത്തിക്കുന്നതിനായി കൊണ്ടു വന്നത്. എന്നാല്‍ ലെവല്‍ ക്രോസ് അടച്ചിരുന്നതിനാല്‍ രോഗിയുമായെത്തിയ വാഹനം 15 മിനിറ്റോളം കുടുങ്ങുകയായിരുന്നു. എതിര്‍ദിശയില്‍ കിടന്നിരുന്ന ആംബുലന്‍സിലേക്ക് രോഗിയെ മാറ്റിയതിനാലാണ് ജീവന്‍ രക്ഷിക്കാനായത്. തിരക്കേറിയ പ്രദേശത്ത് റയില്‍വേ ഓവര്‍ ബ്രിഡ്ജിന്റെ ആവശ്യകത മാധ്യമങ്ങള്‍ നിരവധി തവണ റിപോര്‍ട്ട് ചെയ്തിട്ടുള്ളതാണ്.  എന്നാല്‍ ജനപ്രതിനിധികളോ  റെയില്‍വേയോ  വിഷയത്തില്‍ ഇടപെടുന്നില്ലെന്ന് ആക്ഷേപമുണ്ട്.മേല്‍പ്പാലം  സാധ്യമാക്കാന്‍ അടിയന്തര നടപടി കൈക്കൊള്ളണമെന്ന ആവശ്യം ശക്തമായി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss