|    Dec 16 Sun, 2018 11:04 am
FLASH NEWS
Home   >  Todays Paper  >  page 9  >  

ലിബിയന്‍ അഭയാര്‍ഥി ബോട്ട് മറിഞ്ഞ് മരിച്ചത് 100പേര്‍

Published : 12th September 2018 | Posted By: kasim kzm

വാഷിങ്ടണ്‍: ലിബിയയില്‍ നിന്നു മെഡിറ്ററേനിയന്‍ കടല്‍ മാര്‍ഗം യൂറോപ്പിലേക്ക് കടക്കാന്‍ ശ്രമിക്കവെ ഈ മാസമാദ്യം 100ഓളം പേര്‍ മരിച്ചെന്നു റിപോര്‍ട്ട്. അപകടത്തില്‍ നിന്നു രക്ഷപ്പെട്ടയാളാണ് ബോട്ട് തകരാറായി മുങ്ങിയ വിവരം പുറത്തറിയിച്ചത്.
സപ്തംബര്‍ ഒന്നിന് ലിബിയന്‍ തീരത്തു നിന്നു യാത്രയാരംഭിച്ച രണ്ടു റബര്‍ ബോട്ടുകളില്‍ ഒന്ന് തകരാറായതിനെ തുടര്‍ന്ന് കടലില്‍ മുങ്ങുകയായിരുന്നു. ബോട്ടിലുണ്ടായിരുന്ന 276 പേരെ രക്ഷപ്പെടുത്തി. ഇവരെ ലിബിയയുടെ തലസ്ഥാനമായ ട്രിപോളിയില്‍ നിന്നു 100 കിലോമീറ്റര്‍ അകലെ കോംസില്‍ പാര്‍പ്പിച്ചിരിക്കുകയാണ്. രക്ഷപ്പെടുത്തിയവരില്‍ ഗര്‍ഭിണികളും കുട്ടികളും നവജാത ശിശുക്കളും ഉള്‍പ്പെടുന്നു. മെഡിറ്റേറനിയന്‍ കടല്‍ കടക്കാന്‍ ശ്രമിച്ചുണ്ടായ അപകടത്തില്‍ ഈ വര്‍ഷം ഇതുവരെ 1500 കുടിയേറ്റക്കാരാണ് മരിച്ചതെന്ന് ഇന്റര്‍നാഷനല്‍ ഓര്‍ഗനൈസേഷന്‍ ഫോര്‍ മൈഗ്രേഷന്‍ (ഐഒഎം) റിപോര്‍ട്ടില്‍ പറയുന്നു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss