|    May 26 Sat, 2018 11:15 pm
FLASH NEWS
Home   >  Todays Paper  >  Page 1  >  

ലാത്തിച്ചാര്‍ജിലും കല്ലേറിലും നിരവധി പേര്‍ക്ക് പരിക്ക്‌

Published : 6th January 2018 | Posted By: kasim kzm

വിതുര: വനംവകുപ്പ് പൊളിച്ചുനീക്കിയ കുരിശ് പുനഃസ്ഥാപിക്കുമെന്നു പ്രഖ്യാപിച്ച് ബോണക്കാട് കുരിശുമലയിലേക്ക് നെയ്യാറ്റിന്‍കര ലത്തീന്‍ അതിരൂപതയുടെ നേതൃത്വത്തില്‍ നടന്ന കുരിശുയാത്ര സംഘര്‍ഷത്തില്‍ കലാശിച്ചു. സംഭവത്തില്‍ പോലിസുകാര്‍ക്കടക്കം നിരവധി പേര്‍ക്ക് പരിക്കേറ്റു. കുരിശുയാത്ര ബോണക്കാട് ചെക്‌പോസ്റ്റില്‍ പോലിസ് തടഞ്ഞതാണ് സംഘര്‍ഷത്തിനു കാരണം. ബാരിക്കേഡുകള്‍ മറികടന്ന് ആളുകള്‍ ചെക്‌പോസ്റ്റിലേക്ക് തള്ളിക്കയറാന്‍ ശ്രമിച്ചതോടെ പോലിസ് ലാത്തി വീശുകയായിരുന്നു. ചിതറിയോടിയവര്‍ പോലിസിനു നേരെയും  പോലിസ് തിരിച്ചും കല്ലെറിഞ്ഞു. നിരവധി പേര്‍ക്ക് പരിക്കേറ്റതോടെ സഭാനേതൃത്വം പോലിസുമായി ചര്‍ച്ച നടത്തി സ്ഥിതിഗതികള്‍ നിയന്ത്രണവിധേയമാക്കി. പിന്നാലെ വിതുര കലുങ്ക് ജങ്ഷനിലെത്തിയ വിശ്വാസികള്‍ റോഡ് ഉപരോധിച്ചതും അക്രമത്തില്‍ കലാശിച്ചു. ഇവിടെയും പോലിസ് ലാത്തിച്ചാര്‍ജ് നടത്തി. പരിക്കേറ്റ മൂന്നു പോലിസുകാരടക്കം 27 പേരെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഏതാനും പേരുടെ പരിക്ക് സാരമുള്ളതാണ്. പ്രശസ്തമായ കുരിശുമല തീര്‍ഥാടന കേന്ദ്രത്തില്‍ സ്ഥാപിച്ചിരുന്ന കോണ്‍ക്രീറ്റില്‍ തീര്‍ത്ത വലിയ കുരിശ് വനഭൂമിയിലാണെന്നു ചൂണ്ടിക്കാട്ടി എട്ട് മാസം മുമ്പ് വനംവകുപ്പ് നീക്കം ചെയ്യുകയായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss