|    May 22 Tue, 2018 1:48 pm
FLASH NEWS

ചിറ്റിലഞ്ചേരി ചെറുനെട്ടൂരി വേല വര്‍ണാഭമായി

Published : 30th April 2018 | Posted By: kasim kzm

ആലത്തൂര്‍: ചിറ്റിലഞ്ചേരി ചെറുനെട്ടൂരി ഭഗവതി ക്ഷേത്രം വേല വര്‍ണാഭമായി ആഘോഷിച്ചു. ഇന്നലെ രാവിലെ വിശേഷാല്‍ പൂജകളോടെ വേല ചടങ്ങുകള്‍ തുടങ്ങി.
ഉച്ചയ്ക്ക് ഈടുവെടി നടന്നു. തുടര്‍ന്ന് കേളിപ്പറ്റും, കോലം കയറ്റലും നടന്നു. പല്ലശ്ശന നന്ദകുമാറിന്റെ നേതൃത്വത്തി ല്‍ കൂട്ടാലയില്‍ പഞ്ചവാദ്യത്തിന് തുടക്കമിട്ടതോടെ പകല്‍ വേല എഴുന്നള്ളത്ത് ആരംഭിച്ചു. ഏഴാനകള്‍ അണിനിരന്ന എഴുന്നള്ളത്ത് വിശ്വകര്‍മ്മ നഗര്‍ പന്തല്‍ വഴി കസബ പന്തലിലെത്തി അണിനിരന്നു.തുടര്‍ന്ന് സ്വര്‍ഗ്ഗനാഥ സ്വാമി ക്ഷേത്രത്തിനു മുന്നിലൂടെ ഭഗവതി ക്ഷേത്രത്തിലെത്തി. പനങ്ങാട്ടിരി മോഹനന്റെ മാരാരുടെ നേതൃത്വത്തില്‍ പാണ്ടിമേളത്തോടെ എഴുന്നള്ളത്ത് കാവ് കയറി പ്രദക്ഷിണ നടത്തി.
എഴുന്നള്ളത്ത് കാവിറങ്ങിയതോടെ പകല്‍ വേല സമാപിച്ചു. രാത്രി കണ്യാറും, തായമ്പകയും നടന്നു. പുലര്‍ച്ചെ എഴുന്നള്ളത്ത് കാവിറങ്ങിയതോടെ വേല സമാപിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss