|    Oct 16 Tue, 2018 10:30 pm
FLASH NEWS
Home   >  Todays Paper  >  Page 1  >  

റോഹിന്‍ഗ്യരെ നാടുകടത്തുന്നതിന് എതിരേ പുതിയ ഹരജി

Published : 2nd October 2018 | Posted By: kasim kzm

ന്യൂഡല്‍ഹി: ഇന്ത്യയിലെ റോഹിന്‍ഗ്യന്‍ വംശജരെ നാടുകടത്തുന്നതിനെതിരേ സുപ്രിംകോടതിയില്‍ പുതിയ ഹരജി. അസമിലെ സില്‍ചാര്‍ ജയിലില്‍ കഴിയുന്ന ഏഴു റോഹിന്‍ഗ്യരാണ് ഹരജിക്കാര്‍. അഭയാര്‍ഥികളെ സ്വീകരിക്കുന്നതു സംബന്ധിച്ച രാജ്യാന്തര മര്യാദയുടെ ലംഘനമാണ് നാടുകടത്താനുള്ള നടപടിയെന്നാണ് ഹരജിയില്‍ ആരോപിക്കുന്നത്. ഈ മാസം നാലിന് ഇവരെ മ്യാന്‍മറിലേക്കു നാടുകടത്താനിരിക്കുകയാണ്. അതിര്‍ത്തി കടക്കുന്നതിനിടെ 2012ലാണ് ഇവര്‍ പിടിയിലായത്. അതു മുതല്‍ ഇവര്‍ അസമിലെ തടങ്കല്‍ ക്യാംപുകളില്‍ കഴിയുകയാണ്. റോഹിന്‍ഗ്യന്‍ വംശജരെ പുറത്താക്കാനുള്ള കേന്ദ്രസര്‍ക്കാര്‍ തീരുമാനം ചോദ്യം ചെയ്ത് യുഎന്‍ അഭയാര്‍ഥി പട്ടികയിലുള്ള മുഹമ്മദ് സലീമുല്ലയും മുഹമ്മദ് ശാക്കിറും സമര്‍പ്പിച്ച ഹരജി ചീഫ് ജസ്റ്റിസ് അധ്യക്ഷനായ ബെഞ്ചിന്റെ പരിഗണനയിലുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss