|    Oct 17 Tue, 2017 9:51 am
Home   >  Todays Paper  >  Page 1  >  

റോഹിന്‍ഗ്യരെ തടയാന്‍ അതിര്‍ത്തിയില്‍ കാവല്‍ ശക്തമാക്കി

Published : 6th October 2017 | Posted By: fsq

 

കൊല്‍ക്കത്ത: റോഹിന്‍ഗ്യന്‍ അഭയാര്‍ഥികളുടെ രാജ്യത്തേക്കുള്ള പ്രവാഹം തടയാന്‍ പശ്ചിമ ബംഗാളിലെ ഇന്തോ-ബംഗ്ലാദേശ് അതിര്‍ത്തിയില്‍ ബിഎസ്എഫ് കാവല്‍ ശക്തമാക്കി. തന്ത്രപ്രധാന മേഖലകളില്‍ ബിഎസ്എഫ് ഭടന്‍മാര്‍ ജാഗ്രത പാലിക്കുകയാണ്. നേരത്തേ അതിര്‍ത്തിയിലെ 22 ഇടങ്ങളായിരുന്നു തന്ത്രപ്രധാനമായി കണക്കാക്കിയിരുന്നത്. അത് 50 ആയി വര്‍ധിപ്പിച്ചു. റോഹിന്‍ഗ്യകള്‍ക്കും ബംഗ്ലാദേശികള്‍ക്കും ഇന്ത്യയില്‍ കടക്കാവുന്ന മേഖലകളാണിതെന്ന് ബിഎസ്എഫ് ഐജി (സൗത്ത് ബംഗാള്‍) പി എസ് ആര്‍ ആഞ്ജനേയലു പറഞ്ഞു. ഉത്തര 24 പര്‍ഗാനാസ്, മുര്‍ഷിദാബാദ്, നാദിയ ജില്ലകളില്‍പെട്ടവയാണ് തന്ത്രപ്രധാന മേഖലകള്‍. ബിഎസ്എഫിന്റെ സൗത്ത് ബംഗാള്‍ ഫ്രോണ്ടിയറിനു കീഴില്‍ വരുന്നതാണ് ഇവ. 175 റോഹിന്‍ഗ്യകളെ ബിഎസ്എഫ് ഇതുവരെ അറസ്റ്റ് ചെയ്തിട്ടുണ്ടെന്ന് അധികൃതര്‍ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക