|    Oct 21 Sun, 2018 2:41 am
FLASH NEWS
Home   >  Sports  >  Football  >  

റോബര്‍ട്ടോ മാന്‍ചിനി ഇറ്റലിയുടെ പരിശീലകന്‍

Published : 15th May 2018 | Posted By: vishnu vis


റോം: മുന്‍ മാഞ്ചസ്റ്റര്‍ സിറ്റി പരിശീലകന്‍ റോബര്‍ട്ടോ മാന്‍ചിനി ഇനി ഇറ്റലിയുടെ ദേശീയ ടീം പരിശീലകന്‍. മൂന്ന് വര്‍ഷത്തേക്കുള്ള കരാറിലാണ് മാന്‍ചിനി ഇറ്റലിയുമായി കരാറിലെത്തിയിരിക്കുന്നത്. നേരത്തതന്നെ ഇത് സംബന്ധിച്ച റിപോര്‍ട്ടുകളുണ്ടായിരുന്നെങ്കിലും മാന്‍ചിനിയുമായി കരാറിലെത്തിയ കാര്യം ഇറ്റാലി തന്നെ ഔദ്യോഗികമായി അറിയിക്കുകയായിരുന്നു. ആദ്യമായാണ് മാന്‍ചിനി ഒരു ദേശീയ ടീമിനെ പരിശീലിപ്പിക്കുന്നത്. നേരത്തെ മാഞ്ചസ്റ്റര്‍ സിറ്റി, ഇന്റര്‍ മിലാന്‍, ഗാലറ്റസറെ, സെനിറ്റ് സെന്റ് പീറ്റ്‌സ്ബര്‍ഗ് തുടങ്ങിയ ടീമുകളെ മാന്‍ചിനി പരിശീലിപ്പിച്ചിട്ടുണ്ട്. മാഞ്ചസ്റ്റര്‍ സിറ്റിക്ക് 44 വര്‍ഷത്തിന് ശേഷം കിരീടം നേടിക്കൊടുത്ത മാന്‍ചിനിയെ ടീമിനൊപ്പം ചേര്‍ത്ത് ഇറ്റലിയുടെ നഷ്ടപ്പെട്ട പ്രതാപം തിരിച്ചുപിടിക്കാമെന്ന പ്രതീക്ഷയിലാണ് ഇറ്റാലിയന്‍ ഫുട്‌ബോള്‍ ഭാരവാഹികളുള്ളത്. റഷ്യന്‍ ഫുട്‌ബോള്‍ ലോകകപ്പില്‍ ഇറ്റലിക്ക് യോഗ്യത നേടാന്‍ കഴിഞ്ഞിരുന്നില്ല.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss