|    Nov 20 Tue, 2018 11:02 pm
FLASH NEWS
Home   >  Todays Paper  >  page 9  >  

റോഡ്, റെയില്‍ ഗതാഗതം പുനസ്ഥാപിക്കാന്‍ ഉത്തര- ദക്ഷിണ കൊറിയ ധാരണ

Published : 16th October 2018 | Posted By: kasim kzm

സോള്‍: ഇരു രാജ്യങ്ങളും തമ്മിലുള്ള ബന്ധം മെച്ചപ്പെടുത്തുന്നതിന്റെ ഭാഗമായി റോഡ്, റെയില്‍ ഗതാഗതം പുനസ്ഥാപിക്കാന്‍ ഉത്തര-ദക്ഷിണ കൊറിയന്‍ നേതാക്കള്‍ തമ്മില്‍ ധാരണയായി.
അതിര്‍ത്തിയിലെ സമാധാന ഗ്രാമമായ പാന്‍മുന്‍ജോമില്‍ നടന്ന ചര്‍ച്ചയില്‍ ഇരു രാജ്യത്തിന്റെയും പ്രതിനിധികള്‍ ഇതുമായി ബന്ധപ്പെട്ട കരാറില്‍ ഒപ്പിട്ടു. കഴിഞ്ഞമാസം അവസാനം ഉത്തര കൊറിയന്‍ നേതാവ് കിം ജോങ് ഉന്നും ദക്ഷിണ കൊറിയന്‍ പ്രസിഡന്റ് മൂണ്‍ ജെ ഇന്നും നടത്തിയ ഉച്ചകോടിയില്‍ ഇതുസംബന്ധിച്ചു പ്രാഥമിക ധാരണയിലെത്തിയിരുന്നു.
റെയില്‍, റോഡ് ഗതാഗതം പുനസ്ഥാപിക്കുന്നതിന്റെ പ്രവൃത്തികള്‍ നവംബര്‍ അവസാനമോ ഡിസംബര്‍ ആദ്യത്തിലോ നടക്കുമെന്നും ദക്ഷിണ കൊറിയന്‍ പ്രതിനിധി അറിയിച്ചു. 1950-53ലെ യുദ്ധത്തോടെയാണ് ഇരു കൊറിയകളും തമ്മിലുള്ള ഗതാഗത ബന്ധം വിച്ഛേദിച്ചത്.
എന്നാല്‍, ഉപരോധങ്ങള്‍ പിന്‍വലിക്കുന്നത് ഉത്തര കൊറിയയെ ആണവ നിരായുധീകരണത്തില്‍ നിന്നു പിന്‍മാറാന്‍ പ്രേരിപ്പിച്ചേക്കാമെന്നു യുഎസ് ആശങ്ക അറിയിച്ചു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss