|    Jul 27 Thu, 2017 10:27 pm
FLASH NEWS

റോഡ് തകര്‍ച്ച: കുഴിയില്‍പ്പെട്ട ഗുഡ്‌സ് ഓട്ടോ തലകീഴായി മറിഞ്ഞു

Published : 9th October 2015 | Posted By: swapna en

ചെര്‍പ്പുളശ്ശേരി: റോഡ് തകര്‍ന്നുണ്ടായ കുഴിയില്‍പെട്ട ഗൂഡ്‌സ് ഓട്ടോ തലകീഴായി മറിഞ്ഞു. ചെര്‍പ്പുളശ്ശേരി-പട്ടാമ്പി റോഡില്‍ മഞ്ചക്കല്‍ കൊച്ചിന്‍ ഓഡിറ്റോറിയത്തിന് മുന്നിലാണ് റോഡ് തകര്‍ന്നുണ്ടായ കുഴിയില്‍പെട്ട് ഓട്ടോ തലകീഴായി മറിഞ്ഞത്. ഇന്നലെ 12 ഓടെ നെല്ലായ ഭാഗത്ത് നിന്നും ചെര്‍പ്പുളശ്ശേരി ഭാഗത്തേക്ക് വരികയായിരുന്നു ഗൂഡ്‌സ് ഓട്ടോറിക്ഷയാണ് അപകടത്തില്‍ പെട്ടത്. ഈ റോഡില്‍ മഞ്ചക്കല്‍ പെട്രോള്‍ പമ്പിന് മുന്നിലും കൊച്ചിന്‍ ഓഡിറ്റോറിയത്തിന് മുന്നിലും റോഡ് തകര്‍ന്ന് നിരവധി കുഴികളാണ് ഉണ്ടായികൊണ്ടിരിക്കുന്നത്. റോഡിന്റെ തകര്‍ച്ച കാരണം ഇതിന് മുമ്പും ഈ ഭാഗങ്ങളില്‍ ഇരുചക്രവാഹനമുള്‍പ്പെടെ നിരവധി അപകടങ്ങള്‍ ഉണ്ടായിട്ടുണ്ട്. റോഡ് പാടെ തകര്‍ന്ന് കുഴികളില്‍പെട്ട് അപകടങ്ങള്‍ ഏറെ നടന്നിട്ടും അറ്റകുറ്റപ്പണികള്‍ നടത്താത്തതിനാല്‍ യാത്രക്കാരിലും നാട്ടുകാരിലും പ്രതിഷേധം ഉയരുകയാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക